ڕاگه‌یه‌ندراوی فه‌رمی
  راگه‌یاندراوی بزوتنه‌وه‌ی گۆڕان له‌باره‌ی روداوه‌كانی شاری كه‌ركوك
راگەیانراوێک بە بۆنەی روداوەکانی کەرکوکەوە

لە رۆژی ٢١ ی ئۆکتۆبەر جارێکی تر تیرۆریستانی داعش هەوڵێکی نەزۆکی تریان دا بۆ تێکدانی ئاسایشی شاری کەرکوک‌و زیانگەیاندن بە سەروماڵی هاوڵاتیانی ئەو شارە. بەڵام بە خۆڕاگری‌و یەکگرتوویی هاوڵاتیانی شاری کەرکوک‌و دڵسۆزیی خۆبەخشەکان‌و قارەمانیێتی پێشمەرگەو گیانبازیی کارمەندانی ئاسایش‌و پۆلیس توانرا ئەو پیلانەی تیرۆریستان پوچەڵبکرێتەوە.

ئێمە لە کاتێکدا دەستخۆشی لە هاوڵاتیانی قارەمانی شاری کەرکوک‌و پێشمەرگە ئازاکان‌و کارمەندە چاونەترسەکانی پۆلیس‌و ئاسایش دەکەین، سەری رێزو نەوازش بۆ شەهیدەکانی ئەو نەبەردە دادەنەوێنین‌و سەرەخۆشی لە کەسوکاریان دەکەین‌و هیوای زوتر چاکبونەوەش بۆ بریندارەکان دەخوازین.

روداوەکانی دو رۆژی رابردو وانەیەکی بەنرخە لە چۆنیێتی پاراستنی گیانی هاوڵاتیان‌و سەقامگیریی‌و پرۆسەی ئاسایشی شاری کەرکوک‌و سەرجەم شارەکانی تری کوردستان. داواکارین دەزگا ئەمنی‌و سەربازی‌و کارگێڕییەکانی شاری کەرکوک لێکۆڵینەوەو بەدواداچونی جیدی بکەن لەسەر چۆنیێتی جێبەجێکردنی ئەو پیلانەی تیرۆریستان‌و هەمو رێکارێکی ئەمنی، سەربازی، کارگێڕی‌و یاسایی بگرنەبەر بۆ دۆزینەوەی خاڵە لاوازەکانی پرۆسەی ئەمنی لە کەرکوک‌و رێگریکردن لە دوبارەبونەوەی ئەو جۆرە پەلامارانە.

لە کۆتاییدا دڵنیاین لەوەی کە خۆڕاگری گەلەکەمان‌و بڕوای نەگۆڕمان بە سەرکەوتن باشترین رێگرن لەبەردەم پیلانی دوژمنان دژی داوا رەواکانی خەڵکی کوردستان.

 بزوتنەوەی گۆڕان
 ٢٢/١٠/٢٠١٦
23/10/2016
زیاتر...
په‌ڕه‌یله‌ 7
ژماره‌ی بابه‌ت