فراکسیۆنه‌کان
  سەرۆکی پەرلەمانی کوردستان، دەبو ئێستا هەڵەبجە پارێزگایەکی نمونەیی بوایە

سەرۆکی پەرلەمانی کوردستان رایدەگەیەنێت: دوای دەرچونی ئەو یاسایانەی تایبەت بە هەڵەبجە لە پەرلەمانی کوردستان دەبو ئێستا پارێزگایەکی نمونەیی و خەڵکەکەشی دڵ خۆش بونایە بە بوژانەوەی شارەکەیان، بەڵام بەداخەوە کەمتەرخەمی و هەست نەکردن بە گیانی خزمەتکردن تائێستا شارەکە هیچ سیمایەکی ئاوەدانی پێوە دیار نییە و سەدان برینداری چەکی کیمیاویی بە بەرچاوی حکومەتەوە، چاوەڕێی مەرگ دەکەن.

لە (29)ەیەمین ساڵیادی کیمیابارانی هەڵەبجەدا، د.یوسف محەمەد سادق، سەرۆکی پەرلەمانی کوردستان رایگەیاند: ئەمڕۆ هەمومان، یادی کارەساتی کیمیابارانی هەڵەبجە دەکەینەوە، کە دەسەڵاتدارانی بەعسی دیکتاتۆر بە چەکی کیمیاویی، زیاتر لە پێنج هەزار هاوڵاتییان شەهید و بریندار کرد، لەناوچونی بەعس کە ئەو کارەساتە تراژیدییەی بەسەر هەڵەبجەدا و شارەکانی تری کوردستان هێنا، وانەیەکە بۆ هەمو ئەو دەسەڵاتدارانەی کە لەگەڵ هاوڵاتی خۆیاندا بێ ئەمەک و بێ باک مامەڵە دەکەن.

لە پەیامەکەیدا یوسف محەمەد ئاماژەی بەوەکردوە؛ ئەم خولەی پەرلەمانی کوردستان، سێ یاسا و بڕیاری گرنگی بۆ هەڵەبجە دەرکرد، کەئەوانیش (یاسای بەپارێزگابونی هەڵەبجە و ناساندنی هەڵەبجە بە پایتەختی ئاشتی هەرێمی کوردستان و بڕیاری تاقانەکانی پاشماوەی ئەنفال و رزگاربوانی چەکی کیمیاویی).

راشیگەیاندوە؛ دوای ئەم کارانەی پەرلەمان، دەبو ئێستا هەڵەبجە پارێزگایەکی نمونەیی و خەڵکەکەشی دڵ خۆش بونایە بە بوژانەوەی شارەکەیان، بەڵام بەداخەوە کەمتەرخەمی و هەست نەکردن بە گیانی خزمەتکردنی هاوڵاتیان بە گشتی و دانیشتوانی هەڵەبجە بەتایبەتی، تا ئێستا هەڵەبجە هیچ سیمایەکی ئاوەدانی پێوە دیار نییە و سەدان برینداری چەکی کیمیاویی بە بەرچاوی حکومەتەوە، چاوەڕێی مەرگ دەکەن.! ئەمەش بۆ پەکخستنی پەرلەمان و نەبونی دەسەڵاتی چاودێریی، لەسەر دەزگا حکومییەکان دەگەڕێتەوە.
16/03/2017
زیاتر...
په‌ڕه‌یله‌ 22
ژماره‌ی بابه‌ت