فراکسیۆنه‌کان
  خەڵاتی رێزلێنان دەبەخشێتە نادیە موراد
سەرۆکی پەرلەمانی کوردستان رایدەگەیەنێت، هەرگیز ناتوانن تراژیدیای ئەنفالکردنی ئێزدییەکان لە یاد بکەن و دەشڵێت: پەرلەمانی کوردستان توانی کۆمەڵگەی نێودەوڵەتی لە بازرگانی کردن بە کچان و ژنانی ئێزیدی ئاگادار بکاتەوە و دیکۆمێنتی ئەو تاوانە بگەیەنێت بە ناوەندە جیهانییەکان.

ئێواری ئەمڕۆ چوارشەممە لە بەرلینی پایتەختی ئەڵمانیا، د.یوسف محەمەد، سەرۆکی پەرلەمانی کوردستان بە ئامادەبونی دلێر ماوەتی جێگری سەرۆکی لیژنەی پێشمەرگە لە پەرلەمان، لەگەڵ نادیە موراد، باڵوێزی بەگژاچوونەوەی بازرگانیکردن بە مرۆڤ کۆبوەوە.

نادیە موراد، سوپاسی خۆی و ئێزدییەکانی بە سەرۆکی پەرلەمان و سەرجەم پەرلەمانتاران گەیاند و وتی" یەکەمین بەرپرسی باڵای هەرێمی کوردستان کە بە فەرمی پێشوازی لە من کرد، سەرۆکی پەرلەمان بو"، دواتر ئاماژەی بە هەوڵەکانی خۆی کرد لە ناوەندە جیهانییەکان بۆ گەیاندنی ئازاری ئێزدییەکان بە کۆمەڵگەی نێودەوڵەتی و نیگەرانی خۆشی دەربڕی لە کەمتەرخەمیکردن سەبارە بە ئازادکردنی ژنانی ئێزیدی لەدەستی تیرۆرستانی داعش.

لای خۆیشییەوە سەرۆکی پەرلەمان وتی "ئێستا تیرۆرستانی داعش بەرەو لەناوچون دەچن، هیوادارین بۆ ساڕێژبونی برینی ئێزدییەکان پەلە لە ئاوەدانکردنەوەی شەنگال بکرێت، دواتریش سەرۆکی پەرلەمان خەڵاتی رێزلێنانی پەرلەمانی پێشکەش بە نادیە موراد کرد، وەک سیمبول و پاڕێزەری ژنانی ئێزیدی". 

هاوکات دلێر ماوەتی-ش ئاماژەی بەوەکرد، هەڵبژاردنی نادیە موراد وەک باڵوێزێک لە نەتەوە یەکگرتوەکان، مایەی سەربەرزییە بۆ هەمومان، رونیشیکردەوە، وەک لیژنەی پێشمەرگە لەسەر راسپاردەی سەرۆکایەتی پەرلەمان راپۆرتێکیان لەسەر کارەساتی شەنگال ئامادەکرد، بۆیە دەبێت ئەوانەی کەمتەرخەم بون لە پارێزگاریکردن لە شەنگال، دادگایی بکرێن.
30/03/2017
زیاتر...
په‌ڕه‌یله‌ 24
ژماره‌ی بابه‌ت