ژوره‌کان
  سەرۆکی پەرلەمانی کوردستان، دەرفەت نەدرێ جەژنی ئێزیدییەکان بۆ مەرامی سیاسی بقۆزرێتەوە
سەرۆکی پەرلەمانی کوردستان، بە بۆنەی هاتنەوەی سەری ساڵی کوردانی ئێزیدی و چوارشەممەی سورەوە، پیرۆزبایی لە ئێزیدەکان دەکات. 

لە پەیامێکدا کە بەبۆنەی جەژنی چوارشەممەی سورەوە، ئاراستەی ئێزیدییەکانی کردوە، د.یوسف محەمەد سادق سەرۆکی پەرلەمانی کوردستان رایدەگەیەنێت: بەداخەوە بەهۆی ئەو بارودۆخەی شەڕی تیرۆرستان بەسەر ناوچەکەیان هێنا، ئەمساڵ چوارشەممەی سور، جەژنێکی غەمناک و تاریکە بۆ گەلەکەمان، بەهۆی ئەوەی سەدان کچ و ژنی ئێزیدی تا ئێستا لەدەستی تیرۆرستانی داعش رزگار نەکراون و ناوچەکەشیان بەهۆی شەڕەوە وێران و بێ خزمەتگوزاریی بوە، بەم هۆیەوە ئێزیدییەکانیش ناتوانن بە ئارامی و دڵخۆشی جەژنەکەیان بکەنەوە.

سەرۆکی پەرلەمان هیوا دەخوازێت؛ لە ساڵانی داهاتودا، ئێزیدییەکان دور لە هەر دەستێوەردانێکی حیزبی و ئایدۆلۆژی، ئەم بۆنە ئاینی و رۆحییەی خۆیان لە کەش و هەوایەکی تایبەتدا بکەنەوە و دەرفەت نەدرێ بۆنە و جەژنە ئاینی و تایبەتییەکانیان بۆ مەرامی سیاسی بقۆزرێتەوە.
20/04/2017
زیاتر...
په‌ڕه‌یله‌ 50
ژماره‌ی بابه‌ت