ڕاگه‌یه‌ندراوی فه‌رمی
  پەیامی بزوتنەوەی گۆڕان لە کۆتایی یادی نەوشیروان مستەفا
وتەبێژی بزوتنەوەی گۆڕان لە کۆتایی یادی نەوشیروان مستەفادا سوپاسی سەرجەمی هاوڵاتیانی کوردستانی کرد بۆ بەشداربون لە یادەکە و و هەروەها جەختی کردەوە لەوەی، بەردەوام دەبن لەسەر رێباز و پەیامەکانی کاک نەوشیروان.

د.شۆڕش حاجی، وتەبێژی بزوتنەوەی گۆڕان دوای تەواوبونی یادی کاک نەوشیروان لە کۆنگرەیەکی رۆژنامەوانیدا سوپاسی سەرجەم هاوڵاتیانی کوردستان و رەوەندی کوردی کرد کە ئەمڕۆ ئەرکیان کێشابو لە ئامادەبونیان لە یادی کاک نەوشیروان.

هەروەها سوپاسی هێزەکانی ناوخۆ و کارمەندانی تەندروستی و بەرگری شارستانی کرد کە ئەمڕۆ بەئەرکی خۆیان هەستان لە بەڕێکردنی مەراسیمەکە.

وتیشی: ئامادەبونی هاونیشتیمانیان بەو دڵگەرمییە لەم یادەی ئەمڕۆدا و هەروەها پرسەی کاک نەوشیروان، نیشانەی وەفاداری خەڵکە بەرامبەر کەسایەتی و خەبات و بەرنامە و پەیامە سیاسیەکەی کاک نەوشیروان.

هەروەها ئاماژەی بەوەشکرد، "کاک نەوشیروان ئەو رابەرە نەتەوەیی و جەماوەرییە بو کە خەڵکی کوردستان بەم دڵگەرمییە لە مەراسیمەکەیدا وەفادارییان بۆ ئەو سەرکردە مەزنە دەربڕی.

وتیشی: بەناوی هاوڕێیانی کاک نەوشیروان و خانەوادەکەیانەوە پەیمان بە خەڵکی کوردستان دەدەین کە وەفادار و بە ئەمەک دەبین بۆ ئەو متمانە و ئومێدەی خەڵکی کوردستان بە کەسایەتی کاک نەوشیروان و پەیام و بەرنامە سیاسییەکانی کە هەیانبو، هەروەها بەڵێن دەدەین کە درێژە پێدەری رێبازەکەی کاک نەوشیروان دەبین و لە رێبازەکەی لانادەین تا گەیشتن بە ئامانج و ئاواتەکانی کاک نەوشیروان، بۆ هێنانەکایەی کۆمەڵگەیەکی تەندروست بۆ ئێستا و ئایندەی وڵاتەکەمان".

هەروەها رونیشیکردەوە، کە لەمڕۆوە پرسەی کاک نەوشیروان کۆتایی دێت.

لای خۆیشییەوە د.هەڤاڵ ئەبوبەکر، سەرۆکی لیژنەی یادی کاک نەوشیروان سوپاسی سەرجەم هاوڵاتیانی کوردستانی کرد کە ئەمڕۆ بەشداربون لە یادەکە و ئارامگەی نەوشیروان مستەفایان زیندوتر کردەوە و هەروەها ئەو کۆستە نیشتیمانییەیان لەسەر سوککردن.

هەروەها سوپاسی سەرجەم ئەو کەس و لایەن و دامودەزگا حکومی و ناحکومی و بازرگانی و مەدەنی و سیاسی و دیپلۆماتییانەی کرد کە لە یادەکەدا لەگەڵیاندا ئامادەبون و پەیامەکانی نەوشیروان مستەفایان سەلماند.
30/06/2017
زیاتر...
په‌ڕه‌یله‌ 8
ژماره‌ی بابه‌ت