هه‌واڵ و چالاكی‌
  کەنەکە: ئومێدەوارین بزوتنەوەى گۆڕان بە گوڕوتینەوە لە خەبات بەردەوام بێت
کەنەکە پیرۆزبایى لە بزوتنەوەى گۆڕان و رێکخەرى گشتى و ئەندامانى خانەى راپەڕاندن دەکات و ئومێدەوارە بزوتنەوەی گۆڕان وەک هەمیشە بە گوڕوتینەوە لە خەباتی نەتەوەیی و نیشتمانی کوردستاندا بەردەوام بێت.

کۆنسەی بەڕیوەبەریی کۆنگرەی نەتەوەیی کوردستان (کەنەکە) بەبۆنەى هەڵبژاردنە ناوخۆییەکانەوە پیرۆزبایى لە رێکخەرى گشتى و ئەندامانی خانەی راپەڕاندنی بزووتنەوەی گۆڕان و ئەندامان و دۆستانی بزوتنەوەکە دەکات و هیوازى سەرکەوتنیان بۆ دەخوازێت.

هەر لەو پەیامەدا کەنەکە ئومێدى خواستوە؛ بزوتنەوەی گۆڕان لەم قۆناغە ناسکەی کە گەلی کوردستانی پێدا تێپەڕدەبێت، وەک هەمیشە بە گوڕوتینەوە لە خەباتی نەتەوەیی و نیشتمانی کوردستاندا بەردەوام بێت لەپێناو داخوازییە رەواکانی گەلی کوردستان لە بەدیهێنانی کۆمەڵگەیەکەی ئازاد و دیموکرات، دابینکردنی ژیانێکی شایستە بۆ هاوڵاتیان، پاراستنی دەستکەوتەکانی گەلى کورد لە هەمو پارچەی کوردستان

ئەوەشى تێداهاتوە؛ رۆڵی بزوتنەوەی گۆڕان وەک ئەکتەرێکی گرنگی بزاڤی نەتەوەیی و نیستمانی لەم چوارچێوەیەدا رون و لەبەرچاوە.
26/07/2017
زیاتر...
په‌ڕه‌یله‌ 27
ژماره‌ی بابه‌ت