فراکسیۆنه‌کان
  فراکسیۆنى گۆڕان هۆڵی پەرلەمانی بەجێهێشت

فراکسیۆنی گۆڕان هۆڵی پەرلەمانی کوردستانی جێهێشت بەهۆی ئەوەی جێگرى سەرۆکی پەرلەمانی کوردستان ئامادە نەبوە دانیشتنەکەی ئەمڕۆ تەرخان بکات بە پرسى لەشکێرکێشیی تورکیا بۆ سەر عەفرین و سەرۆکى فراکسیۆنەکەش دەڵێت؛ دەبو پەرلەمان بڕیارێک دەربکات بۆ دەرکردنى هێزى تورکیا لە هەرێمى کوردستان.

نیوەڕۆى ئەمڕۆ سێشەممە پەرلەمانى کوردستان کۆبوەوە و فراکسیۆنی گۆڕان داوایکرد دانیشتنەکە تەرخانبکرێت بە تاوتوێکردنى پرسى لەشکرکێشى سوپاى تورکیا بۆسەر عەفرین وپەرلەمان بڕیارى خۆى هەبێت لەو روەوە، بەڵام جێگرى سەرۆکى پەرلەمان کە سەرۆکایەتى دانیشتنەکە دەکات ئامادەنەبو ئەو پرسە بکاتە بایەتى سەرەکى دانینشتنەکە و بەوهۆیەوە فراکسیۆنى گۆڕان هۆڵی پەرلەمانی بەجێهێشت.

برزۆ مەجید، سەرۆکی فراکسیۆنی گۆڕان بە ئامادەبونى ئەندامانى فراکسیۆنەکە لەدەرەوەى هۆڵى پەرلەمان بە رۆژنامەنوسانى راگەیاند؛ ئێمە داوامانکرد دانیشتنەکە تایبەتبێت بە لەشکرکێشى سوپاى تورکیا بۆسەر عەفرین کە رۆژانە خەڵکى مەدەنى تێدا دەکرێتە قوربانى، وتیشى:”دەبو هەستى نەتەوایەتى و نیشتیمانیى وامان لێبکات پەرلەمانى کوردستان بڕیارێک دەربکات بۆ دەرکردنى هێزى تورکیا لە هەرێمى کوردستان بەهۆى ئەو لەشکرکێشیەوە”.

ئاماژەى بەوەشکرد کە عەفرین کوردبون و نەتەوەیى و نیشتیمانیى بونە و دەبێت هەموان موزایەدەکان، بەلاوە بنێین و لەو پرسەدا یەکدەنگ بین.

31/01/2018
زیاتر...
په‌ڕه‌یله‌ 30
ژماره‌ی بابه‌ت