ژوره‌کان
   دەزگای هەڵبژاردنی چوار لایەنەکە؛ هەوڵێکی دیکەی ساختەکاریی و دەستکاریی ئەنجامەکان ئاشکرا دەکات
دەزگای هەڵبژاردنی چوار لایەنی سیاسی، رایدەگەیەنن: ئۆفیسی سلێمانی کۆمیسیۆنی باڵای هەڵبژاردەەکان هارد دیسکی وێنەی کارتی ئەلیکترۆنی دەنگدانی لەبەغدا وەرگرتوە، بەڵام بەبیانوی جیاواز دەستی دەستی بە نوێنەری لایەنەکان دەکات، ئەوەش بەهەڵێک بۆ شاردنەوەی ساختەکاریی ساختەچییەکان دادەنێت.

لە راگەیەندراوێکدا، دەزگای هەڵبژاردنی لایەنەکانی (بزوتنەوەی گۆڕان، کۆمەڵی ئیسلامی کوردستان، یەکگرتوی ئیسلامی کوردستان، هاوپەیمانی بۆ دیموکراسی و دادپەروەریی) کە ئەمڕۆ (25/5/2018) بڵاویان کردوەتەوە و ئاراستەی دەنگدەرانی کوردستانیان کردوە، رادەگەیەنن: لەژێر فشاری لایەنە سیاسییەکان و دەزگا پەیوەندیدارەکان، کۆمیسیۆنی باڵای هەڵبژاردنەکانی عێراق، بڕیاریداوە بەپێدانی وێنەی ئەلیکترۆنی کارتی دەنگدان بە لایەنە سیاسییەکان بۆ دڵنیابون و بەراوردکاریی ئەنجامە راگەیەندراوەکانی کۆمیسیۆن و ئاشکرا کردنی تەزویر و ساختەکاریی "ساختەچییەکان".

ئاشکرایان کردوە؛ ماوەی دو رۆژە ئۆفیسی پارێزگای سلێمانی، لەڕێگەی نێردراوەکەیەوە بۆ بەغدا، وێنەی کارتی دەنگدانەکانی بەئەلیکترۆنی و لەسەر (هارد دیسک) وەرگرتوە، بەڵام بەبیانوی جیاواز جیاواز و بەهۆکاری نادیار دەستی دەستی بە نوێنەری لایەنەکان دەکات، ئەوەش ئەو راستییە دەخاتە بەردەم لایەنەکان کە هەوڵەکان لەپێناو نەگەیشتنی وێنەی ئەلیکترۆنی کارتی دەنگدان، بۆ دەستکاریی کردنیانە و بۆ دەستکاری هەوڵێکی جدییە بۆ شاردنەوەی ساختەکاریەکان.

دەزگای هەڵبژاردنی لایەنەکانی (گۆڕان، هاوپەیمانی، کۆمەڵ، یەکگرتو) جەخت دەکەنەوە کە؛ ئەو هەوڵانە لەچوارچێوەی پلان بۆ داڕێژراوی ساختەکردنی سەرجەم بەڵگەو دیکۆمێنتەکانی کۆمسیۆنە، کە تایبەتە بە هەڵبژاردنی ئەنجومەنی نوێنەرانی عێراق، هەروەها کۆمسیۆنی باڵای سەربەخۆی هەڵبژاردنەکانیش بە بەرپرسیار دەزانین لە بێدەنگ بونیان لەئاست پێشێلکارییەکان.



بەیاننامەی دەزگای هەڵبژاردنی (٤) لایەنی سیاسی لە سلێمانی

دەنگدەرانی کوردستان..
دوابەدوای بڕیاری کۆمسیۆنی باڵای سەربەخۆی هەڵبژاردنەکان، لەژێر فشاری لایەنە سیاسیەکان و دەزگا پەیوەندیدارەکان بە پێدانی وێنەی ئەلکترۆنی کارتی دەنگدان بە لایەنە سیاسیەکان، بۆ دڵنیابون و بەراوردکاری ئەنجامە راگەیەندراوەکانی کۆمسیۆن و کەشفکردنی تەزویرو ساختەکاری.

ماوەی دوو رۆژە ئۆفیسی پارێزگای سلێمانی لەرێگای نێردراوەکەیەوە بۆ بەغداد، وێنەی کارتی دەنگدانەکانی بە ئەلکترۆنی و لەسەر "هارد دیسک" وەرگرتوە، بەڵام بە بیانووی جیاواز جیاواز و بە هۆکاری نادیار دەستی دەستی بە نوێنەری لایەنەکان دەکات، ئەمەش ئەو راستیە دەخاتە بەردەم لایەنەکان کە هەوڵەکان لەپێناو نەگەیشتنی وێنەی ئەلیکترۆنی کارتی دەنگدان، بۆ دەستکاری کردنیانەو هەوڵێکی جدییە بۆ شاردنەوەی ساختەکاریەکان.

بۆیە لێرەوە رای دەگەینین ئەم هەوڵانە لەچوارچێوەی پلان بۆ داڕێژراوی ساختەکردنی سەرجەم بەڵگەو دیکۆمێنتەکانی کۆمسیۆنە، کە تایبەتە بە هەڵبژاردنی ئەنجومەنی نوێنەرانی عێراق، هەروەها کۆمسیۆنی باڵای سەربەخۆی هەڵبژاردنەکانیش بە بەرپرسیار دەزانین لە بێدەنگ بونیان لەئاست پێشێلکارییەکان.

بزوتنەوەی گۆڕان - هاوپەیمانی بۆ دیموکراسی‌و دادپەروەری - کۆمەڵی ئیسلامی کوردستان - یەکگرتووی ئیسلامی کوردستان
٢٥ی ئایاری ٢٠١٨

26/05/2018
زیاتر...
په‌ڕه‌یله‌ 50
ژماره‌ی بابه‌ت