كتێب
   نوێترین کتێبی نەوشیروان مستەفا
وابڕیارە لە چەند رۆژی داهاتودا بەرگی دوەمی کتێبی (بەدەم رێگاوە گوڵچنین) کە لە نوسینی نەوشیروان مستەفایە، بڵاوبکرێتەوە.
ئەو کتێبە بۆ یەکەمجار بڵاو دەکرێتەوە و لەبارەی (چەند بابەتێکی کۆمەڵناسی)یەوەیە و لە چەند بەشێک پێکهاتوە، لەوانەش لێکۆڵینەوە لە چەند بەشێکی ژیانی کۆمەڵایەتی کورد، مێژوی زۆرێ لە خێڵ و عەشیرەتە کوردەکان، لێۆڵینەوەیەکی ورد لەسەر مەولانا خالیدی نەقشبەندی و چەند بابەتێکی دیکە.
ئەو کتێبە بەهەمان شێوەی بەرگەکانی پێشوی لە "دار العربية للعلوم - الناشرون"ی وڵاتی لوبنان چاپ دەکرێت و لە چەند رۆژی داهاتوشدا دەکەوێتە بەردەستی خوێنەران.

نه‌وشیروان مسته‌فا جگه‌ له‌وه‌ی کەسایەتییەکی سیاسییە و کاری سیاسی و پێشمه‌رگایه‌تی به‌شێکی زۆری کاته‌کانی ژیانی بردوه‌، به‌ڵام جگه‌ له‌ وتار و دیمانه‌کانی، که‌ له‌ میدیاکاندا بڵاوکراوه‌ته‌وه‌ چه‌ند په‌رتوکێکیشی نوسیوه‌ و هه‌ندێکیان تائێستا بڵاونه‌کراونه‌ته‌وه‌ و بڕیاره‌ سه‌رله‌نوێ كتێبه‌كانی به‌ زنجیره‌ له‌ژێر ناوی (به‌ده‌م رێگاوه‌ گوڵچنین) بڵاوبكاته‌وه‌.

کتێبه‌کانی نه‌وشیروان مسته‌فا:

مێژوی سیاسی:
کورد و عه‌جه‌م
کورد و جه‌نگی 20 ساڵه‌ی رۆم و‌ عه‌جه‌م
میرایه‌تی بابان له‌ نێوان به‌رداشی رۆم و عه‌جه‌م‌دا
له‌ په‌راوێزی مێژوه‌کانی ئه‌رده‌ڵان‌دا
حکومه‌تی کوردستان: کورد له‌ گه‌مه‌ی سۆڤێتی‌دا
ئێمه‌و ئه‌وان

مێژوی رۆژنامه‌وانی:
چه‌ند لاپه‌ڕه‌یه‌ک له‌ مێژوی رۆژنامه‌وانیی کوردی (به‌رگی یه‌که‌م 1898 – 1918)
چه‌ند لاپه‌ڕه‌یه‌ک له‌ مێژوی رۆژنامه‌وانیی کوردی (به‌رگی دووه‌م 1918 – 1938)
چه‌ند لاپه‌ڕه‌یه‌ک له‌ مێژوی رۆژنامه‌وانیی کوردی (به‌رگی سێیه‌م 1938 – 1958)
به‌شی یه‌که‌م: رۆژنامه‌وانیی نهێنی
به‌شی دوه‌م: پروپاگانده‌ی جه‌نگ
به‌شی سێیه‌م: رۆژنامه‌ی ئه‌هلی
ژیان: به‌ ته‌مه‌نترین رۆژنامه‌ی کوردی (1926 - 1938)
کوردستانی عیراق: سه‌رده‌می قه‌ڵه‌م و موراجه‌عات (1927 – 1931)

یاداشت و بیره‌وه‌ری:
له‌ که‌ناری دانوبه‌وه‌ بۆ خڕی ناوزه‌نگ (دیوی ناوه‌وه‌ی روداوه‌کانی کوردستانی عیراق 1975 - 1982)
په‌نجه‌کان یه‌کتری ئه‌شکێنن (دیوی ناوه‌وه‌ی روداوه‌کانی کوردستانی عیراق 1979 - 1983)
خولانه‌وه‌ له‌ بازنه‌دا(دیوی ناوه‌وه‌ی روداوه‌کانی کوردستانی عیراق 1984 - 1988)
سه‌رکه‌وتنی ناکام
خه‌ون یان مۆته‌که‌
یاداشته‌کانم له‌ مه‌جلیسی حوکم دا
مفاوه‌زاتی به‌عس – به‌ره‌ی کوردستانی (1991)

05/04/2015
زیاتر...