باژێروانی سلێمانی بزوتنەوەی گۆڕان رونكردنەوەیەكی بڵاو كردەوە

ئاسۆ مەحمود: ئەو پرۆسەیەی لەسلێمانی بەڕێوە دەچێت شەرعیەتدانە بە ساختەكاریی
ئاسۆ مەحمود: ئەو پرۆسەیەی لە سلێمانی بەڕێوە دەچێت هیچ لە ئەنجامەكان ناگۆڕێت

باژێروانی مەكۆی سلێمانی بزوتنەوەی گۆڕان لەسەر جیاكردنەوەی دەنگی دەنگەكانی سلێمانی روونكردنەوەیەكی بڵاو كردەوە.  

لە رونكردنەوەكەدا ئاسۆ مەحمود، باژێروانی مەكۆی سلێمانی ئاماژە بەوە دەكات، خەڵكێكی زۆر ئومێدی هەڵچنیبو‌و بە بڕیارەكەی پەرلەمانی عێراق كە ئەگەر چی دەستكاری سندوقەكانیش كرابێت ئەوا بە ئەژماركردنەوەی دەستی ر‌ووی ساختەچیەكان هەڵدەماڵرێت، بەڵام بەداخەوە ئێستا ئەو پرۆسەیە گۆڕاوە بۆ پرۆسەیەك كە شەرعیەتدانە بەو تەزویرەی كە كراوە.

 

ئاسۆ مەحمود، ئەوەش دەخاتەروو، ئەو رێكارانەی كۆمسیۆن گرتویەتیە بەر هیچ لە ئەنجامەكانی ناگۆڕێت لەبەر چەند هۆكارێك وەك ئەوەی سندوقەكان پارێزراو نەبون و مامەڵەی كۆمسیۆن لەگەڵ بریكارەكانمان نەشیابوەو رێگریان كرد‌ووە لە چاودێریكردن، هاوكات دەبو‌و سەرجەم سندوقەكان ئەژمار بكرێنەوە، كەچی ژمارەیەك سندوق ئەژماردەكرێتەوە، پرۆسەكەش دوای دومانگ لە هەڵبژاردن بەرێوە دەچێت، هەروەها لە یەككاتدا چەندین سندوق دەكرێنەوە، كەچی رێگە بەیەك بریكار دەدەن لە دورەوە سەیری پرۆسەكە بكات نەك چاودێری.

باژێروانی سلێمانی سوپاسی سەرجەم بریكارو هەڵسوراوەكانی گۆڕان دەكات كە 2 مانگە شەو رۆژ لە هەوڵدان بۆ چاودێریكردن و پاراستنی دەنگی هاوڵاتیان.
09/07/2018