Print WWW.GORRAN.NET
 گۆڕان: بڕیاری ریفراندۆم نایاسایی و حیزبییە
8/28/2017 6:15:32 PM
بزوتنەوەی گۆڕان، بڕیاری ریفراندۆم لە هەرێمی کوردستان بە پرۆسەیەکی نایاسایی و حیزبی دادەنێت و رایدەگەیەنێت: واده‌ی‌ ئه‌نجامدانی‌ له‌ به‌رژه‌وه‌ندی‌ خه‌ڵكی‌ كوردستاندا نییه‌.

شۆڕش حاجی، سکرتێری کاروباری خەڵک لە خانەی راپەڕاندنی بزوتنەوەی گۆڕان رایگەیاند: یەکێک لە ئامانجەکانی بزوتنەوەی گۆڕان، دروست کردنی دەوڵەتی سەربەخۆی کوردستانە، دەوڵەتێک کە تیایدا کەرامەتی مرۆڤ پارێزراوبێت و یاسای تیایدا سەروەربێت، هەروەک ریفراندۆم بەیەکێک لە ئامرازەکانی دروست کردنی دەوڵەتی سەربەخۆی کوردستانی دەزانین.

وتیشی :"رای بزوتنەوەی گۆڕان لە ئێستادا ئەوەیە کە پایەکانی دورست کردنی دەوڵەتی سەربەخۆی کوردستان کە بریتییە لە ژێر خانی ئابوری پتەو، دامەزراوەی نیشتیمانی، متمانەی هاوڵاتیان بە دەسەڵات، یەکڕیزی نیشتیمانیی، ئێستا ئامادەنییە، ئەم پایانەی دەوڵەتی سەربەخۆی کوردستان وادەکات کە خۆی لەبەردەم هەمو مەترسی و هەڕەشەیەک بگرێت، بەڵام ئێستا ئەو پایانە ئامادەنین".

شۆڕش حاجی، جەختی کردەوە؛ بڕیاری ئەنجامدانی ریفراندۆم لە (25/9) بڕیارێکی نایاسایی حیزبییە، کاتەکەی لەبەژەوەندی خەڵکی کوردستان و راگەیاندنی دەوڵەتی سەربەخۆی کوردستاندا نییە.