فراكسیۆنی گۆڕان بەبۆنەی كۆتایی هێنان بە داعش پەیامێكی پیرۆزبایی بڵاودەكاتەوە
25/03/2019
ڕاگەیەندراوی فەرمی
فراكسیۆنی گۆڕان پیرۆزبایی كۆنترۆڵكردنەوەی باغۆز دەكات لەسەر دەستی شەڕڤانانی هەسەدە
بەبۆنەی
سەركەوتنی هێزەكانی سوریای دیموكرات لە باغۆز و سەركەوتن بەسەر داعشدا,
فراكسیۆنی گۆڕان لە پەرلەمانی كوردستان, پەیامێكی پیرۆزبایی بڵاودەكاتەوە.
لە پەیامەكەی فراكسیۆنی گۆڕاندا هاتوە, بەبۆنەی كۆتایی هاتنی خەلافەتی
تیرۆری دەوڵەتی ئیسلامی لە عێراق و شام (داعش), لەسەر دەستی شەڕڤانانی
سوریای دیموكرات هەسەدە, پیرۆزبایی و دەستخۆشی لەو هێزانە دەكەین و ئەم
سەركەوتنە بۆ هەموو ئەوانەیە كە ئەو ڕێخراوە تیرۆریستیەیان, بە مەترسی
دەزانی لەسەر مرۆڤایەتی.
فڕاكسیۆنی گۆڕان ئاماژەی بەوەشكردوە, لەناوبردنی نەتەوەی كورد ئامانجی
سەرەكی ئەو ڕێكخراوە بو, ئەویش بە پەلاماردانی كۆبانێ و دواتر شنگال
دەستیپێكرد, میللەتی كورد قوربانی گەورەی دا لە ڕوبەڕوبونەوەی تیرۆر, بە
خوێنی پێشمەرگە و شەڕڤانان, كچ و كوڕانی كورد لە باشورو ڕۆژئاوا, داعش
زیانی گەورەی بەركەوت.
سڕینەوەی ئاسەوارەكانی داعش, ئەركێكی گرنگی قۆناغی داهاتوە و لەو پێناوەشدا
فراكسیۆنی گۆڕان, ئەوەی لە توانایدا بێت وەك ئەركی خۆی پێی هەڵدەستێت.