پەیامی بزوتنەوەی گۆڕان بە بۆنەی حەژنی قوربانەوە
10/08/2019
ڕاگەیەندراوی فەرمی
بەبۆنەی هاتنەوەی جەژنی قوربانی پیرۆز، بزوتنەوەی گۆڕان پەیامێکی پیرۆزبایی ئاراستەی موسوڵمانان کردوە کە ئەمە دەقەکەیەتی:
بەبۆنەی جەژنی قوربانی پیرۆزەوە، پیرۆزبایی لە کەسوکاری سەربەرزی شەهیدان و مسوڵمانانی کوردستان و عێراق و جیهان دەکەین. هیواخوازین ئەم جەژنە ببێتە وێستگەیەک بۆ ئاشتی کۆمەڵایەتی و بەپێویستیشی دەزانین هەمو لایەک یەکڕیز بن بۆ بەدیهێنانی خواستە نیشتمانییە باڵاکان.
خەڵکی کوردستان، بەئومێدەوە چاوەڕێ دەکات حکومەت و لایەنەکانە سیاسییەکانی بە لەخۆبردەییەوە بناغەی کۆمەڵگایەکی سەقامگیر و ئارام دابمەزرێنن، بۆ دەستەبەرکردنی ئایندەیەکی گەشتر بۆ هاوڵاتیان و چارەسەرکردنی ئەو دۆخە ناهەموارەی روبەڕوی هاوڵاتیانمان لە ناوچە دابڕێنراوەکان دەبێتەوە.
هەمیشە لە خۆشی و ئارامی و ئاسودەییدا بن
بزوتنەوەی گۆڕان
(10/8/2019