پەرلەمانتارێكی پێشوتری گۆڕان كۆچی دوایی كرد
06/10/2019
کۆمەڵایەتی
كەمێك لەمەوبەر (ئاهەنگ عارف) پەرلەمانتاری پێشوتری گۆڕان بەهۆی نەخۆشییەوە كۆچی دوایی كرد.
ئاهەنگ عارف ئەندامی خولی سێیەمی پەرلەمانی كوردستان بو لەسەر فراكسیۆنی گۆڕان و دانیشتوی شاری هەولێر بو.
ساڵی (1956) لە شاری هەولێر لەدایك بوە و خاوەنی بڕوانامەی بەكالۆریۆس بو لە بواری ئەندازیاریی شارستانی.
بریكاری وەزیری ئاوەدانكردنەوە بو لە ئیدارەی سلێمانی و هەروەها لە رێكخراوەكانی (فاو) و (هابیتات) كاری كردوە و چەند ساڵێك ئەندازیاری سەرپەرشتیار بوە لە بنكەی ئەندازیاریی جێبەجێكردنی پڕۆژەكانی ئاو لە شاری هەولێر و هەروەها ماوەی چەند ساڵێک لە شارەوانیی هەولێر خزمەتی كردوە.