بزوتنەوەی چاكسازیی نیشتمانی پەیامێکی پیرۆزبایی ئاراستەی بزوتنەوەی گۆڕان دەکات

25/07/2020

هەواڵ و چالاکی

بزوتنەوەی چاكسازیی نیشتمانی، پەیامێک ئاڕاستەی رێكخەری گشتی  بزوتنەوەی گۆران و ئەندامانی خانەی راپەڕاندن و جڤاتی نیشتمانیی دەکات و دەڵێت: هیوادارین هەوڵەكانتان بخەنەگەڕ بۆ ئاسایی كردنەوەی دۆخی ئێستای كوردستان و یەكخستنەوەی ماڵی كورد

دەقی پەیامەکە:

بەڕێز/ كاك عومەری سەید عەلی/ رێكخەری گشتی  بزوتنەوەی گۆران
بەڕێزان/ ئەندامانی خانەی راپەڕاندن و جڤاتی نیشتمانیی بزووتنەوەی گۆڕان
ب/پیرۆزبایی

بەبۆنەی ساڵڕۆژی ڕاگەیاندنی ( بزوتنەوەی گۆڕان ) بە گەرمی پیرۆزباییتان لیدەكەین ,هیوادارین خەباتی مەدەنیانە و جەماوەریانە ببێتە بنەمای گەشەپێدانی دیموكراسی و پێشكەوتنی گەلەكەمان ،یادی ڕاگەیاندنی بزوتنەوەكەتان لە كاتێكدایە كوردستان لە هەل و مەرجێَكی ناسەقامگیردایە ،هیوادارین هەوڵەكانتان بخەنەگەڕ بۆ ئاسایی كردنەوەی دۆخی ئێستای كوردستان و یەكخستنەوەی ماڵی كورد ، بۆ خزمەتكردن بە گەل و نیشتمان و باشكردنی گوزەرانی خەڵك لە ڕێگای چاكسازییەكی گشتگیری هەمەلایەنەوە ، چونكە دۆخی ئێستای كوردستان لە بەرژەوەندی گەل و نیشتماندا نییە ،جارێكی تر پیرۆزبایتان لێدەكەین و هیوادارین هەموو لایەنەكان پێكەوە خزمەتی گەورە بە كوردستان بكەن .

هەر شاد بن

ناوەندی باڵای/بزوتنەوەی چاكسازیی نیشتمانی
25/7/2020


هەواڵی زیاتر