سوپاسنامە

12/09/2021

کۆمەڵایەتی

خێزان و بنەماڵە و کەسوکارى رەوانشاد (مستەفا سەلیم مەحمود) پێشمەرگە و خەباتگێری شۆرشی نوێی گەلەکەمان و کەسایەتی سیاسی و کۆمەڵایەتی و بریکاری وەزارەتی ناوخۆی حکومەتی هەرێم سوپاسنامەیەک ئاڕاستەى هاوڵاتیان و بەرپرسان لە سەرۆکایەتى هەرێم و حکومەت و لایەنە سیاسییەکان دەکەن.

سوپاس نامە
بەناوی خوای بەخشندە و میهرەبان
- بەڕێز سەرۆکی حکومەتی هەرێمی کورستان
- بەڕێز جێگری سەرۆکی حکومەتی هەرێمی کورستان
- بەڕێزان جێگرانی سەرۆکی هەرێمی کوردستان
- بەڕێز ڕێکخەری گشتی بزووتنەوەی گۆڕان
- بەڕێز وەزیر و بریکاری وەزیری ناوخۆ
- بەڕێزان وەزیران و بریکاری وەزیرانی وەزارەتەکانه کابینەی نۆهەم
- بەرێزان ئەندامانی ئەنجومەنی نوێنەرانی عیراق و پەرلەمانی کوردستان
- بەڕێزان پارێزگاری سلێمانی و هەولێر و ئیدارەی ڕاپەرین
- حزب و لایەنە سیاسیەکان و ڕێکخراوەکان
- سەرکردە و ئەندامانی حزب و لایەنە سیاسیەکان
- هاوڕێ و هاوخەبات و هاوسەنگەر و هەڤاڵانی ڕەوانشاد
- کەسایەتیە کۆمەڵایەتی و ئاینی و سیاسیەکان
- بەرێوبەر و ئەفسەر و کارمەندانی  ناوخۆ 
- هاونیشتیمانیانی کوردستان،دەڤەری ڕاپەرین و هاوشاریان 
بەناوی بنەماڵە و کەسوکار و خێزانی ڕەوانشاد (مستەفا سەلیم مەحمود) پێشمەرگە و خەباتگێری شۆرشی نوێی گەلەکەمان و کەسایەتی سیاسی و کۆمەڵایەتی و بریکاری وەزارەتی ناوخۆی حکومەتی هەرێمی کوردستان، سوپاسی یەکە بە یەکەتان دەکەین و دەستی ماندوبونتان دەگوشین، سوپاستان دەکەین کە زۆر بە پەرۆشانە لە مەراسیمی پێشوازی کردن و بەخاکسپاردنی ڕەوانشاد ئامادەبوون لەگەڵمان، بە بەشداری کردنتان لە پرسەی ڕەوانشاد بە سەردانی کردن و پەیوەندی کردن و نامەکانتان لە خەمی ئێمەتان کەم کردەووە و بە پرسەی خۆتان زانیوە.
سوپاسی تایبەتمان بۆ هەموو ئەو هاوڕێ و دۆست و لایەنانەی کە لەکاتی نەخۆشکەوتنی ڕەوانشاد لەگەڵمان بوون و پاڵپشتمان بوون هەمیشە لە تەندروستیان پرسیووە و ورەیەکی بەرزیان بە ئێمە بەخشیوە، زۆر سوپاس بۆ پزیشک و کارمەندانی تەندروستی کە لەخۆبردوانە و بێ کەم و کورتی لەگەڵمان بوون و ئەرکەکانی خۆیان بەزیادەوە جێبەجێ کردووە.
بەهیوای لەش ساغی بۆ هەمووان و لەخوای گەورە داواکارین لە ناخۆشی و خەم بەدوورتان بکات.
د. ڕامیار مستەفا سەلیم
١٢/٩/٢٠٢١


هەواڵی زیاتر