پرسەنامەیەک لە بزوتنەوەى گۆڕانەوە

کۆمەڵایەتی

بزوتنەوەى گۆڕان پرسەنامەیەک بۆ کۆچى دوایى میرى ئێزدییەکان بڵاو دەکاتەوە و رایدەگەیەنێت؛ میر ته‌حسین بەگ، کەسایەتییەکی خاوەن پێگەى کۆمەڵایەتی بەهێز و دیاربوە و به‌رده‌وام لە هه‌وڵدابوە گیانی تەبایی و پێکەوەژیان لەنێوان پێکهاتەکاندا گەشەپێبدات و بەهێزتری بکات.

دەقی پرسەنامەکە:
بەبۆنەی کۆچی دوایی (میر تەحسین بەگ)، میری ئێزدییەکانی کوردستان و جیهان، سەرەخۆشی لە گەلی کوردستان و سەرجەم ئیزدییەکانی کوردستان و جیهان و بنەماڵە و کەسوکاری دەکەین.

میر ته‌حسین بەگ، هەمیشە لەگەڵ چین و توێژەکانی کوردستان و عێراق و دەرەوە لە پەیوەندیی دابوە، به‌رده‌وام لە هه‌وڵدابوە کە گیانی تەبایی و پێکەوەژیان لەنێوان پێکهاتەکاندا گەشەپێبدات و بەهێزتری بکات، کەسایەتییەکی خاوەن پێگە کۆمەڵایەتی بەهێز و دیاربوە.

میر تەحسین بەگ، لە تەمەنی یانزە ساڵیدا بوەتە میری ئێزدییەکان و سەرۆکی جڤاتی رۆحانی ئێزدییەکان و زیاتر لە (70) ساڵ میری ئێزدییەکانی کوردستان و جیهان بو، رۆڵی بەرچاوەی هەبو لە بزووتنەوەی کوردایەتی و بەهۆی هەڵوێستە مرۆییە جوانەکانییەوە ناچاربووە لە ئاوارەیی ژیان بەسەرببات.

خودای گەورە گیانی شاد بکات

بزوتنەوەى گۆڕان