پرسەنامە
10/06/2024
کۆمەڵایەتی
بەداخ و پەژارەیەکى زۆرەوە، هەواڵی
کۆچی دوایی خوالێخۆشبو (شێخ زاهید مەحمود) هەڵسوڕاوى دیاری بزوتنەوەی گۆڕان و
باوکى شەهید (سورکێو) شەهیدى خۆپیشاندانەکانى (17)ى شوبات و رۆژانى دواییمان پێگەیشت.
شێخ زاهید، کە قوربانیی دەستى زوڵم
و نادادى بو، یەکێک بو لە پیاوە تێکۆشەر و بەهەڵوێستەکان بۆ چەسپاندنى دادى کۆمەڵایەتى
و سەروەرى یاسا، سەربارى خراپى دۆخى تەندروستى و جەرگسوتانى، تا کۆتا ساتەکانى ژیانى
کۆڵى نەدا لە پێداگرى لە هەڵوێستە بەرزەکانی و، سەرى بەرزى بۆ ستەم و بەرژەوەندی
دنیایی نەوى نەکرد.
هەربۆیە، لەدەستدانى شێخ زاهید، جگە
لەوەى لە دڵەوە خەمبار و نیگەرانى کردین، بۆشاییەکى گەورەش لە خەباتی مەدەنی و داکۆکیکردن
لە مافی مرۆڤ و کۆژانەکانى خەڵکى کوردستان و خەباتی سیاسی و جەماوەری بزوتنەوەی گۆڕان
دروست دەکات.
لە کۆتایدا، پرسەنامە و سەرەخۆشی خۆمان
ئاڕاستەى گۆڕانخوازان و کەسوکار و هاوڕێیانى دەکەین، لە خوای گەورە داواکارین رۆحی
پاکى بە بەهەشت شاد بکات.
انا لله و انا الیه راجعون
بزوتنەوەی گۆڕان
١٠ى٦ى ٢٠٢٤