سوپاسنامەیەک لە بنەماڵەى (سەڵاح چاوشین)ـەوە

کۆمەڵایەتی

بنەماڵەی کۆچکردو (سەڵاح چاوشین) تێکۆشەرى دێرین و یەکەم سکرتێرى جڤاتى گشتى بزوتنەوەى گۆڕان سوپاس و پێزانین ئاڕاستەی هاوڵاتیانی هەرێمی کوردستان و سلێمانی و "هەمو ئەو کەسانە" دەکەن کە لە نەخۆشکەوتن و بە خاکسپاردن و پرسەکەیدا بەشداریان کردوە.

لە سوپاسنامەى بنەماڵەى کۆچکردو (سەڵاح چاوشین)دا هاتوە؛ خۆمان بە قەرزداری هاوخەمی و دڵدانەوەی هەموتان دەزانین، ئەوەی ئێوە کردتان بە حەق شایانی ئەو پیاوە بو کە تەواوی تەمەنی خزمەتکاری دۆزی رەوای گەلەکەی بوە و بۆ چاکەی گشتی خەباتێکی دورو درێژی کردوە.



دەقى سوپاسنامەکە:
سوپاسنامەیەک لە بنەماڵەی کۆچکردو (سەڵاح چاوشین)

بەناوی بنەماڵەی کۆچکردو ( سەلاح چاوشین ) پێشمەرگەو فەرماندەی ڕۆژانی سەختی خەبات و فیداکاری کوردستان؛ سوپاس و پێزانین ئاراستەی هاوڵاتیانی هەرێمی کوردستان و سلێمانی و هەمو ئەو خەڵکە بە ئەمەکانە دەکەین کە لەماوەی رابردودا چ حاڵەتی نەخۆشکەوتن لە نەخۆشخانەکانی ناوەوە و دەرەوەی هەرێم لەگەڵمان بون و، دواتریش لە ژیانئاوایی ئەم فەرماندە خۆنەیستە لە مەراسیمی بە خاکسپاردن و پرسەکەیدا بەشداریان کردوە و خاوەندارێتیان لە ناخۆشیەکانمان کردوە.

خۆمان بە قەرزداری هاوخەمی و دڵدانەوەی هەموتان دەزانین؛ ئەوەی ئێوە کردتان بە حەق شایانی ئەو پیاوە بو کە تەواوی تەمەنی خزمەتکاری دۆزی رەوای گەلەکەی بوە و بۆ چاکەی گشتی خەباتێکی دورو درێژی کردوە. هاوکات بە پێویستیشی دەزانین سوپاس و پێزانینی تایبەت ئاراستەی بزوتنەوەی گۆڕان و یەکێتی نیشتمانی کوردستان بکەین.

سوپاسێکی گەرمیش بۆ میدیاکاران و کەناڵەکانی ڕاگەیاندن، بەتایبەت کەناڵی KNN و گەلی کوردستان بکەین کە روماڵێکی رۆژنامەوانی شایستە بە خەباتی کۆچکردویان ئەنجامداوە. لەگەڵئەوەشدا ماندوبون و شەونخونی بەڕێوەبەرایەتی گشتی تەندروستی سلێمانی و ستافی نەخۆشخانەکانی ھیوا و شار لەبیر ناکەین و، پێزانیشمان بۆ ستاف و کارمەندانی فڕۆکەخانەی نێودەوڵەتی سلێمانی و ھێزەکانی پۆلیسی سلێمانی و پۆلیسی ھاتوچۆ و ھێزەکانی ئاسایشی سلێمانی و ھێزی پێشمەرگەی کوردستان هەیە.

بنەماڵەی کۆچکردو
سەلاح چاوشین