رێكخەری گشتی پەیامێك ئاڕاستەی عەممار حەكیم دەكات

D هەواڵ و چالاکی

رێكخەری گشتی بزوتنەوەی گۆڕان پەیامێكی پیرۆزبایی بەبۆنەی سەركەوتنی كۆنگرەی گشتی و هەڵبژاردنەوەی بە سەرۆكی رەوتەكە، ئاڕاستەی عەممار حەكیم دەكات و تێیدا دەڵێت: لەکاتێکدا، هیوای سەرکەوتنتان بۆ دەخوازین لە ئەرکەکانتاندا بۆ چەسپاندنی سەقامگیری و دادپەروەری. ئومێدەوارین ئەم قۆناغە نوێیەی کارکردنتان ببێتە هەوێنێک بۆ پتەوکردنی زیاتری پەیوەندییە مێژووییەکانی نێوان هەرێمی کوردستان و حکومەتی فیدراڵ، لەسەر بنەمای دەستوور و بەرژەوەندییە باڵاکانی گەل.

لە پەیامەكەدا هاتووە: ناوچەکە و عێراق بە دۆخێکی هەستیاردا تێدەپەڕن، چاومان لە ڕۆڵی کاریگەری ڕەوتی حیکمە و پارتە سیاسیەکانە بۆ دوورخستنەوەی مەترسییەکان و پاراستنی سەروەریی عێراق و هەرێمی کوردستان لە هەر شەڕ و ئاڵۆزییەک.

دەقی پەیامەكە:

سەماحەتی سەید عەممار حەکیم
سەرۆکی ڕەوتی حیکمەی نیشتمانی

بەبۆنەی سەرکەوتنی سێیەمین کۆنگرەی گشتی ڕەوتی حیکمەی نیشتمانی و هەڵبژاردنەوەی بەڕێزتان، وەک سەرۆکی ڕەوتەکە، گەرمترین پیرۆزباییتان ئاڕاستە دەکەین.
لەکاتێکدا، هیوای سەرکەوتنتان بۆ دەخوازین لە ئەرکەکانتاندا بۆ چەسپاندنی سەقامگیری و دادپەروەری. ئومێدەوارین ئەم قۆناغە نوێیەی کارکردنتان ببێتە هەوێنێک بۆ پتەوکردنی زیاتری پەیوەندییە مێژووییەکانی نێوان هەرێمی کوردستان و حکومەتی فیدراڵ، لەسەر بنەمای دەستوور و بەرژەوەندییە باڵاکانی گەل.

ناوچەکە و عێراق بە دۆخێکی هەستیاردا تێدەپەڕن، چاومان لە ڕۆڵی کاریگەری ڕەوتی حیکمە و پارتە سیاسیەکانە بۆ دوورخستنەوەی مەترسییەکان و پاراستنی سەروەریی عێراق و هەرێمی کوردستان لە هەر شەڕ و ئاڵۆزییەک.

دانا ئەحمەد مەجید 
رێکخەری گشتی گۆڕان