ژمارەیەك چالاكوان سەردانی رێكخەری گشتی دەكەن

D هەواڵ و چالاکی

دانا ئەحمەد مەجید ڕیكخەری گشتی بزوتنەوەی گۆڕان لە مەكۆی سەرەكی، پێشوازیكرد لە ژمارەیەك چالاكوان لە مامۆستایانی زانكۆ و توێژە جیاوازەكان و رایگەیاند: گۆڕان وەك پێشتر، لە ئێستا و داهاتوشدا پشتیوانی هەر پڕۆژە و داواكاری و دەنگێك دەبێت كە خزمەت بە خەڵك و گوزەران و ئازادی دەربڕین بكات.

لە دیدارێكدا، جگە لە گەیاندنی پەیامی پیرۆزبایی هەڵبژاردنی رێكخەری گشتی و هیوای سەركەوتن لە ئەركەكەی، دۆخی سیاسی و ئابوری و گوزەرانی خەڵك و توێژە جیاوازەكان گفتوگۆیان لەبارەوە كرا.

لای خۆیەوە دانا ئەحمەد مەجید ئاماژەی بە گرنگی رۆڵی چالاكوانان كرد لە داكۆكی لە مافی رەوای خەڵك بە ئاڕاستەی فشاری مەدەنی و چارەسەركردنی كێشەكانیان، ئاماژەی بەوەشكرد كە گۆڕان لەسەرەتای دامەزراندنیەوە پشتیوانی شەقام و توێژەجیاوازەكان و داواكاریەكانی هاوڵاتیان بوە بۆ بەدەستهێنانی مافەكانیان، لە ئێستا و داهاتوشدا پشتیوانی هەر پڕۆژە و داواكاری و دەنگێكە كە خزمەت بە خەڵك و گوزەران و ئازادیەكانیان بكات.