پرسەنامە

کۆمەڵایەتی

بەداخ و پەژارەوە، هەواڵی کۆچی دوایی مامۆستا و مافناس (جەمال عەبدولقادر عەزمی بەگى بابان)  ناسراو بە (جەمال بابان)کەسایەتى و نوسه‌رى دیارى كورد-مان پێگەیشت.

مامۆستا (جەمال بابان) لە ژیانیدا رۆڵى کاریگەرى لە چەند بوارێکدا گێڕاوە، لە کایەى ئیداریدا سەرۆکى شارەوانى سلێمانى و بەڕێوەبەرى چەند پۆستێکى دیکەى ئیدارى و دەوڵەتى بووە، لە کاروبارى رۆشنبیرى و ئەدەبی دا دامەزرێنەر و بەڕێوەبەرى کۆمەڵێک دەزگای رۆشنبیری بووە لەوانە یەکەم سەرۆکی یەکێتی نووسەرانی کورد و ئەمینداری گشتیی کۆڕی زانیاریی کورد و بەڕێوەبەری دەزگای رۆشنبیری و بڵاوکردنەوەی کوردیی لەبەغدا و سەنتەری ڕۆشنبیریی (بابان)ی لەسلێمانی دامەزراندوە. مامۆستا خاوەنى چەندین کتێب و بەرهەمى ناوازەشە کە بە هەموو ئەو تایبەتمەندییانە مێژوویەکى پرشنگدار و  مایەى شانازى بۆ خۆى و بنەماڵەکەى تۆمار کردووە و ناوبانگى بە نەمرى دەمێنێتەوە.

بۆ لەدەستدانى مامۆستا جەمال، پرسە و سەرەخۆشی خۆمان ئاڕاستەى خانەوادە و کەسوکار و تەواوى هاوڕێیان و نوسەرانى کورد دەکەین و لە خوای گەورە داواکارین رۆحی بە بەهەشت شاد بکات، دڵنەوایی و سەبوریی هەمولایەک بدات.


انا لله و انا الیه راجعون

بزوتنەوەی گۆڕان
٨ى٩ى٢٠٢٣