کونسوڵی گشتی ویلایەتە یەکگرتووەکانی ئەمریکا: بەهۆی کۆرۆنا و خراپی دۆخی داراییەوە ئەرکی وەزارەتی کارو کاروباری کۆمەڵایەتی قورسە

19/01/2021

وەزیری کارو كاروباری‌ كۆمه‌ڵایه‌تی،‌ جەخت له‌ ئه‌نجامدانی‌ چاكسازی‌ ده‌كاته‌وه‌ و ده‌ڵێت:  ئامانجمان چاکسازی کردن و ڕوبەڕوبوونەوەی گەندەڵیە.

ڕۆژی‌ دووشەممە  ٢٠٢١/١/١٨ کوێستان محمد، وەزیری کار و کاروباری کۆمەڵایەتی، پێشوازی کرد لە  ڕۆب واڵر، کونسوڵی گشتی ویلایەتە یەکگرتووەکانی ئەمریکا و شاندی یاوەری، لە دیدارەکەدا باس لە پتەوکردنی پەیوەندی و هەماهەنگی و هاوکاری نێوانیان کرا.

سه‌باره‌ت به‌ چالاكیه‌كانی‌ وه‌زاره‌تی‌ كار، ڕۆب واڵر، کونسوڵی گشتی ویلایەتە یەکگرتووەکانی ئەمریکا، وتی‌: بەهۆی کۆرۆنا و خراپی دۆخی داراییەوە ئەرکی وەزارەتی کارو کاروباری کۆمەڵایەتی قورسە بەتایبەت بەرامبەر چینی هەژاران و کەمدەرامەتان.

لای‌ خۆیه‌وه‌ كوێستان محه‌مه‌د وه‌زیری‌ كارو كاروباری‌ كۆمه‌ڵایه‌تی، ڕایگه‌یاند:‌  ئەرکی وەزارەتی کارە خزمەت بە هەموو سێکتەرەکانی پەیوەست بە وەزارەت بکات، بەتایبەت چینی هەژاران و منداڵان و کرێکاران و کەمئەندامان و چاکسازیەکان.

وەزیری کار ئەوەشی باسکرد کە ئامانجیان چاکسازی کردن و ڕوبەڕوبوونەوەی گەندەڵی یە لە هەموو سێکتەرەکانی پەیوەست بە وەزارەتی کار و کاروباری کۆمەڵایەتی.


هەواڵی زیاتر