بەبەشدارى وەزیرى ئاوەدانکردنەوە و شاندى یاوەرى شیکردنەوە بۆ زو بەئەنجامگەیاندنی پڕۆژەی هێڵی ئاسن لە کوردستان دەکرێت

لەپێناوە بەرەوپێشبردنى پڕۆسەى بەئەنجامگەیاندنى پڕۆژەى هێڵى ئاسن لە هەرێمى کوردستان، شاندێکى وەزارەتى ئاوەنکردنەوە بە سەرۆکایەتى دانا عەبدولکەریم وەزیرى ئاوەدان کردنەوە و نیشتەجێکردن لە وڵاتى ئەڵمانیان و شیکردنەوەى واقیعى بۆ شێوازى جێبەجێکردنى پڕۆژەکە دەکرێت.

ئەمڕۆ هەینى (16/7/2021) شاندەکە بە سەرۆکایەتی وەزیرى ئاوەدانکردنەوە و نیشتەجێکردن، لەگەڵ کۆمپانیای (deutsche bahn)ی ئەڵمانی شیکردنەوە بۆ شێوازی ئەنجامدانی پڕۆژەی هێڵی ئاسن لە هەرێمی کوردستان و زو جێبەجێکردنی دەکەن و بەشداری سیمینارێکیان کرد کە لە بارەگای سەرەکی کۆمپانیای (deutsche bahn)ی ئەڵمانی بەتایبەت بۆیان رێکخرابو دەربارەی پڕۆژەی هێڵی ئاسن و لایەنی هونەری و تەکنیکی و تێچوی پڕۆژەکە لەو وڵاتە و بەراوردکارییەک لەگەڵ ئەنجامدانی پڕۆژەکە لە هەرێمی کوردستان.

هاوکات لە گەشتێکی مەیدانیدا شاندەکە یەکێک لە پڕۆژەکانی کۆمپانیاکەی بەسەرکردەوە کە لەئێستادا لە بەرلینی پایتەختی ئەڵمانیا ئەنجامدەدرێت، تیایدا شیکردنەوە بۆ شێوازی ئەنجامدانی پڕۆژەکان و قۆناغەکانی و ماوەی ئەنجامدانی پڕۆژەکە کرا.