وه‌زیری دارایی و ئابوری سه‌ردانی ناوه‌ندی په‌ره‌پێدانی دارایی سلێمانی دەکات
04/08/2021
وه‌زیری دارایی و ئابوری
لە کۆبونەوەى لەگەڵ ناوه‌ندی په‌ره‌پێدانی دارایی سلێمانی، رایدەگەیەنێت؛ له‌م فه‌رمانگه‌یەوە
ده‌توانین ئاستی فه‌رمانبه‌ران به‌رزتر بكه‌ینه‌وه و داهاتو بنیات بنێین.
ئه‌مڕۆ چوارشه‌ممه (4/8/2021)،
ئاوات جه‌ناب نوری وه‌زیری دارایی و ئابوری به یاوه‌ری یاسین واحید به‌ڕێوبه‌ری
گشتی دیوان و ستافی نوسینگه‌ی وه‌زیر لە سه‌ردانی بۆ ناوه‌ندی په‌ره‌پێدانی دارایی
سلێمانی، له‌گه‌ڵ ژیان سابر بەڕێوەبه‌ری ناوه‌ندەکە کۆبوەوە و بەپێى راگیەندراوێکى
راگەیاندنى وەزارەت: سه‌رجه‌م ئه‌و ئاسته‌نگانه باسكرا كه دێته پێش ناوه‌نده‌كه‌یان
و رێگرن له به‌رزكردنه‌وه‌ی ئاستی فه‌رمانبه‌رانی سنووره‌كه و بەڵێنی چاره‌سه‌ركردنی
كێشه‌كانیان درا.
ئاماژە بەوەشکراوە،
وەزیرى دارایی و ئابورى به‌شه‌كانی ناوه‌نده‌كه‌ی بەسەرکردوەتەوە و به‌شداری
خولێكی به‌رزكردنه‌وه‌ی ئاستی فه‌رمانبه‌رانیشی كردوە و رایگەیاندوە: ئەمە یه‌كێك
له گرنگترین فه‌رمانگه‌كانی سنوره‌كه‌یه، چونكه لێره‌وه ده‌توانین ئاستی فه‌رمانبه‌ران
به‌رزتر بكه‌ینه‌وه و داهاتو بنیات بنێین.