ژورى هەڵبژاردن ئامادەکارى بۆ هەڵمەتى هەڵبژاردن دەکات
30/08/2021
ژورى هەڵبژاردنى
بزوتنەوەى گۆڕان کۆبونەوەی نوێنەرانی ژورەکەی لە ئەنجومەنی قەزای
پارێزگاکان ئەنجامدا بۆ ئامادەکارى هەڵبژاردنى ئەنجومەنى نوێنەران و کارکردن بۆ
سەرخستنى هاوپەیمانى کوردستان.
ئەمڕۆ دوشەممە (30/8/2021) ژورى هەڵبژاردنى بزوتنەوەى گۆڕان بە ئامادەبونی د.
دەرباز محەمەد، سکرتێری کاروباری ژورەکان، کۆبونەوەی نوێنەرانی ژورەکەی لە ئەنجومەنی
قەزای پارێزگاکان ئەنجامدا و تییدا تیشک خرایە سەر پێداویستی هەریەکە لە
سنوری بازنەکانی هەڵبژاردن و چۆنیەتى بەڕێوەبردنى هەڵمەتی دەرگا بە دەرگا.
لە کۆبونەوەکەدا چۆنیەتى ئامادەکاری تەواو لەرووی مرۆیی و لۆجیستییەوە تاوتوێکرا
بۆ دەستپێکی هەڵمەتی بانگەشەی هەڵبژاردنى پێشوەختەى ئەنجومەنى نوێنەرانى عێراق و
سەرخستنى هاوپەیمانی کوردستان و کاندیدەکانى بزوتنەوەى گۆڕان لە هەڵبژاردنەکەدا.