وەزیرى دارایى: هەر موچە خۆرێک لەدواى (1/7/2020) دو موچەى وەرگرتبێت، موچە زیادەکەى لێوەردەگیرێتەوە

وەزارەتى دارایى رایدەگەیەنێت؛ هەر موچە خۆرێک لەدواى کەوتنە بوارى جێبەجێکردنى یاساى چاکسازى و لە (1/7/2020) دو موچەى وەرگرتبێت، موچەیەکى لێوەردەگیرێتەوە.

وەزارەتى دارایى و ئابورى حکومەتى هەرێم، رێنمایى ژمارە (15) دەرکرد تایبەت بە هەموارکردنەوەى حاڵى (2)ى رێنمایى ژمارە (13)ى ساڵى (2021) و بە پێى رێنماییە نوێیەکە کە واژۆى ئاوات جەناب نورى وەزیرى لەسەرە و ئاڕاستەى گشت وەزارەت و فەرمانگەکان کراوە و لە دو خاڵ پێکهاتوە، تێیدا هاتوە؛ لێبڕینى موچە لەو موچەخۆرانەى کە دو موچەیان وەرگرتوە لە پێش (1/7//2021) رادەگیرێت و چیتر لێیان وەرناگیرێتەوە و تەنها ئەو موچەیە وەردەگرن کە خۆیان هەڵیان بژاردوە.

هەر لە رێنماییەکەدا هاتوە؛ هەر موچە خۆرێک لەدواى (1/7/2020) دو موچەى وەرگرتبێت، موچە زیادەکەى لێوەردەگیرێتەوە و تەنها یەک موچە وەردەگرێت.