وەزیری كار و كاروباری كۆمەڵایەتی: ئەوپەڕی توانامان دەخەینەگەڕ بۆ دابینكردنی ژیانێكی شایستە بۆ منداڵانی بێ سەرپەرشت

وەزیری كار و كاروباری كۆمەڵایەتی سەردانی خانەی بێ سەرپەرشتان دەكات و لە ژیان و گرفت و پێداویستییەكانیان دەكۆڵێتەوە.

كوێستان محەمەد، وەزیری كار و كاروباری كۆمەڵایەتی لەبارەی سەردانەكانی چەند رۆژی رابردویەوە بە سایتی (گۆڕان)ی راگەیاند: ئەم رۆژە پشوانەم بە دەرفەت زانی بۆ سەردانیكردنی منداڵانی بێ سەرپەرشت و كچانی خانەی بێ سەرپەرشتان بۆ لە نزیكەوە ئاگاداربون لە رەوشی ژیانیان گوێبیستی داواكاری و پێداویستی خانەكانیان.

وتیشی: ئەوپەڕی توانا و هەوڵی خۆمان دەخەینەگەڕ بۆ دابینكردنی ژیانێكی شایستەو شەرەفمەندانە بۆ منداڵانی بێ سەرپەرشت و سەرجەم ئەو توێژانەی پەیوەستن بە وەزارەتمانەوە