کامیل قەزاز: مامەڵەى هاوڵاتیان بۆ هاوبەشیکردنی کارەبا بە ئەلکترۆنی دەکرێت
28/08/2022
بریکارى
وەزارەتى کارەبا رایدەگەیەنێت؛ مامەڵەى هاوڵاتیان بۆ هاوبەشیکردنی کارەبا بە ئەلکترۆنی
دەکرێت و ئەوەش ئاسانکارییەکى زۆر بۆ رایی کردنى کاروباری هاوڵاتییان دەکات.
کامیل محەمەد
قەزار، بریکارى وەزارەتى کارەبا و سەرپەرشتیاری پرۆژەی پێوەری زیرەک، لە
لێدوانێکدا بۆ سایتى (گۆڕان) رایگەیاند؛ پڕۆژەى بە ئەلیکترۆنیکردنى مامەڵەى هاوڵاتیان
تەواوکارى ئەو پڕۆژانەیە کە بۆ خزمەت و کارئاسانى بۆ هاوڵاتیان کارمان لەسەر کردوە
و بەم زوانە و تا ساڵى داهاتو دەکەوێتە کار.
کامیل
قەزاز ئاماژە بەوەش دەکات؛ ئامانج لەم پڕۆژە و هەنگاوە کەمکردنەوەى قەرەباڵغى
فەرمانگەکانى کارەبا و خزمەتکردنى هاوڵاتییانە بە گشتى، چونکە ئەم سیستەمە زۆر پێشکەوتوە
و ئاسانکارییەکی زۆری بۆ راییکردنى کاروباری هاوڵاتییان دەکات لە فەرمانگەکانى کارەبا.