ئەنجومەنێ مەکوێ گوڕان ل زاخو کومبو

19/02/2023

ئەنجومەنێ مەکوێ گوڕان ل زاخو ب سەرپەرشتیا (ئەحمەد یوسف  سندی) بەرپرسێ مەکوێ گوڕان ل زاخو و ژمارەیەکا بەرچاڤ یا بەرپرس و هەلسوراوێن گوڕان ل سنورێ ئێدارەیا سەربەخو یا زاخو کومبین.

ژ بەرکو کومبین هەڤدەم بی دگەل سالیادا شەهیدێن 17 ی شوباتێ کومبین ب دەقیقەکا رێزگرتنێ بو گیانێ شەهیدێن 17 ی شوباتێ و هەمی شەهیدێن کوردستانێ دەستپێکر، د کومبینێ دا بانگەوازا بزاڤا گوڕان بو ئاشتبینا گشتی، دوماهیک ئامادەکاریێن کونفرانسێ نیشتمانی یێ بزاڤا گوڕان و هەلسەنگاندنا رێکخستنا گوڕان ل سنورێ ئیدارا سەربەخویا زاخو  هاتنە بەحسکرن.

بەرپرسێ مەکوی ب روهنی بەحس ل دوماهیک پێشهات و ئامادەکارییێن گوڕان بو دووبارە خو رێکخستن و ئاشتبینا گشتی کر.

و هەروەسا بریار هات دان کومیتەک بهێتە پێک ئینان بو سەرەدانا هەمی وان هەلسوڕاوێن روژەک ژ روژا دگەل بزاڤا گوڕان کارکری و ب هەر ئەگەرەکی نوکە دیرکەفتین ب مەبەستا گەهاندنا پەیاما سەرکردایەتیا گوڕان و وەرگرتنا رەخنە و سەرنج و تێبینیێن وان.
ل دوماهیکا کومبینێ سەرنج و تێبینیێن هەلسوراوێن ئامادەبی هاتنە وەرگرتن.


هەواڵی زیاتر