وەزیری کاروباری کۆمەڵایەتی ماڵی داڵدەدانی ژنان و سەنتەرى ئۆتیزم لە سلێمانی بەسەردەکاتەوە

وەزیری کاروباری کۆمەڵایەتی ماڵی داڵدەدانی ژنان  و سەنتەرى ئۆتیزم لە سلێمانی بەسەردەکاتەوە و پشتیوانى خۆى بۆ پێشکەشکردنى خزمەتى زیاتر بە سودمەندانى هەردو دامەزراوەکە دوپات دەکاتەوە.

ئەمڕۆ پێنجشەممە، (2023/3/30)، کوێستان محەمەد، وەزیری کار و کاروباری کۆمەڵایەتی، هەریەک لە ماڵی داڵدەدانی ژنانی هەڕەشەلێکراوی سلێمانی و سەنتەری ئۆتیزمی حکومی بەسەر کردەوە بۆ دڵنیابوونه‌وه‌ له‌ دۆخی‌ ژیانی‌ سودمەندان لە هەردوو دامەزراوەکەو چۆنیەتى پێشکەشکردنى خزمه‌تگوزاری‌ چاودێری‌ كۆمه‌ڵایه‌تی‌‌ و ته‌ندروستی‌ و دەرونی بۆیان.

له‌و سه‌ردانه‌یدا، وەزیری کار سه‌رجه‌م سودمەندانی لەماڵی داڵدەدانی ژنان و منداڵانی ئۆتیزم لە سەنتەرەکە بینی و له‌ نزیكه‌وه‌ له‌ دۆخی‌ ژیان‌ و ته‌ندروستی‌‌ و ئاستی‌ خزمه‌تگوزارییه‌كانی‌ پرسییه‌وه‌ و لەگەڵ ستایشکردنى کارى کارمەند و بەڕێوەبەرایەتیەکانى سەنتەرەکە، پشتیوانی‌ خۆی‌ بۆ هەردوو دامەزراوەکە دووپاتكرده‌وه‌ و داوایکرد وەک رابردو ئه‌ركى ‌سه‌رشانیان به‌رانبه‌ر سودمەنمدانیان به‌جێبهێن‌ و خزمه‌ته‌ كۆمه‌ڵایه‌تییه‌كانیان به‌رده‌وامی‌ پێبده‌ن.