ئاوات شێخ جەناب: تەنها رێگە بۆ دەربازبونى کورد لە کێشە و تەنگەژەکان ئەو پڕەنسیپ و ریفۆرمانەیە کە کاک نەوشیروان پێشکەشکى کردوە

ئاوات شێخ جەناب، رایدەگەیەنێت؛ کاک نەوشیروان بۆ هەر یەکێک لە بوارەکانى ژیان پڕۆژەى تایبەتى هەبو، تەنها رێگەش بۆ دەربازبونى کورد لە کێشە و تەنگەژەکان لەسەر ئاستى نەتەوەیی و نیشتیمانى و سیاسى و ئابورى و دارایی لە رێگەى ئەو پڕەنسیپ و ریفۆرمانە دەبێ کە کاک نەوشیروان پێشکەشکى کردوە .

ئاوات شێخ جەناب، وەزیرى دارایی و ئابورى حکومەتى هەرێم لە شەشەم ساڵیادى کۆچى دوایی رەوانشاد نەوشیروان مستەفا رایگەیاند: هەمو شوێنکەوتوانى کاک نەوشیروان و تێکۆشەرەکانى ناو گۆڕان و دەرەوەى گۆڕانیش، ئەوانەى بە راستگۆیی بڕوایان بە چاکسازى هەیە دەبێت سور و بەردەوام بن لەسەر رێبازى کاک نەوشیروان، "چونکە تەنها رێگە بۆ دەربازبونى کورد لە کێشە و تەنگەژەکان لەسەر ئاستى نەتەوەیی و نیشتیمانى و سیاسى و ئابورى و دارایی لە رێگەى ئەو پڕەنسیپ و ریفۆرمانە دەبێ کە کاک نەوشیروان پێشکەشکى کردوە".

وتیشى: کاک نەوشیروان بۆ هەر یەکێک لە بوارەکانى ژیان پڕۆژەى تایبەتى هەبو، پێویستە هەموان بە دڵسۆزى ئیش بۆ جێبەجێکردنیان بکەین.