وەزیری ئاوەدانکردنەوە: بەڵێنەکەمان بردەسەر

وەزیری ئاوەدانکردنەوەو نیشتەجێکردن پڕۆژەی چاککردنەوەو قیرتاوکردنی رێگای دۆڵی بالیسانی بەسەرکردەوەو رایگەیاند؛ بەڵێنەکەمان بردەسەر.

دانا عەبدولکەریم، وەزیری ئاوەدانکردنەوەو نیشتەجێکردن لەکۆنگرەیەکی رۆژنامەوانیدا لەچوارچێوەی بەسەرکردنەوەی پڕۆژی چاککردنەوەو قیرتاوکردنی رێگای دۆڵی بالیسان، وتى: بە درێژایی ٢٣ کم رێگاکە چاک دەکرێت و بودجەی پرۆژەکەش زیاتر لە حەوت ملیار و ٦٩٨ ملیار دینارە، خۆشبەختانە بەشێوەیەکی باش کارکردن تێیدا دەستی پێکردوەتەوە و ئەگەر گرفتی دارایی دروست نەبێت، ھیوادارین پێش وەرزی زستان بەتەواوی پڕۆژەکە تەواو بێت و بخرێتە خزمەتی ھاوڵاتیان".

وتیشى: ئێمە بەڵێنەکەی خۆمان بۆ خەڵکی سنورەکە بردەسەر بۆ جێبەجێ کردنی پڕۆژەکە، بەڵام بەھۆی وەرزی زستانەوە دەستپێکردنەکەی دواکەوتبو، پشت بەخوا بارودۆخەکەش بەرەو باشی دەڕوات و ئەم پڕۆژەیەش دەخەینە خزمەتی ھاوڵاتیانەوە".