وەزیرى ئاوەدانکردنەوە و نیشتەجێکردن دابەشکردنى فۆرمى نۆ هەزار یەکەى نیشتەجێبوون رادەگەیەنێت
08/08/2023
وەزیرى ئاوەدانکردنەوە و نیشتەجێکردن کاراکردنى فۆرمى
ئۆنلاین بۆ دابەشکردنى نۆ هەزار یەکەى نیشتەجێبون بە قیستى مانگانەى درێژخایەن بۆ
(25) ساڵ رادەگەیەنێت.
ئەمڕۆ سێشەممە (٢٠٢٣/٨/٨)، دانا عەبدولکەریم، وەزیری ئاوەدانکردنەوەو
نیشتەجێکردن، لە کۆنگرەیەکى رۆژنامەوانیدا پرۆسەی دابەشکردنی فۆرمی یەکەی نیشتەجێبون
و کاراکردنی فۆرمەکە بەشێوەی ئۆنلاین و وردەکاری پرۆسەکەى بۆ ھاوڵاتیانی کەمدەرامەت
راگەیاند.
دانا عەبدولکەریم، وەزیری ئاوەدانکردنەوەو نیشتەجێکردن، ئاماژەى
بەوەکرد ئەو پڕۆسەیەى رایانگەیاندوە بۆ دابەشکردنى زیاتر لە (نۆ) هەزار یەکەى
نیشتەجێبوونە کە بەشێکى یەکەکان تەواو بون و بەشێکیان ماوە تەواوبکرێن، بەڵام پڕۆسەى
دابەشکردنەکە لە چوارچێوەى ئەم فۆرمەوە دەست پێدەکات و پێگەکە کاراکراوە،
هاوڵاتیان دەتوانن داواکارى پێشکەشک بکەن و فۆرم پڕبکەنەوە.
هەروەک رونى کردەوە یەکەکان لەسەر بنەماى خاڵبەندى بەسەر
هاوڵاتیاندا دابەش دەکرێت بەسەر کرێنیشینانى کەمدەرامەت بە قیستى مانگانەى درێژخایەنى
(25) ساڵ.