جێگری سەرۆکی هەرێم جەخت لە ئەنجامدانى چاکسازی و بەنیشتیمانیکردنی پێشمەرگە ده‌كاته‌وه
08/08/2023
جێگری سەرۆکی هەرێمی کوردستان جەخت دەکاتەوە لەسەر گرنگی
چاکسازی و بەنیشتیمانیکردنی هێزەکانی پێشمەرگە بۆ پاراستنی قەوارەی هەرێم.
ئەمڕۆ سێشەمە (٨/٨/٢٠٢٣)، مستەفا سەید قادر جێگری سەرۆکی
هەرێمی کوردستان لەگەڵ رودۆلف ریچارد جێگری کونسوڵی گشتی فەرەنسا لە هەرێمی
کوردستان کۆبوەوە و لە دیدارێکدا، بارودۆخی سیاسی هەرێمی کوردستان و عێراق و یەکگرتویی
و یەکگوتاری کورد و بەدامەزراوەیی کردنی پەیوەندییەکانی هەولێر و بەغدا گفتوگۆی لەبارەوە
کرا.
بەپێى
راگەیەندراوى جێگرى سەرۆکى هەرێم؛ هەردولا هاوڕابوون لەسەر ئەنجامدانى چاکسازی و بەنیشتیمانیکردنی
هێزەکانی پێشمەرگە وەک چارەسەری ئەم دۆخە و پاراستنی ئەم قەوارەیە و بایەخدان بە ڕۆڵی دامەزراوە حکومەییەکان
لە پێناو خزمەتکردنی خەڵکدا.