جێگری سەرۆکی هەرێم: یەکخستن و چاکسازی لەناو هێزی پێشمەرگە پرۆژەیەکی نیشتیمانییە

جێگری سەرۆکی هەرێم جەخت لە هەنگاوەکانی پرۆسەی یەکخستن و یەکگرتنەوە و چاکسازی لەناو هێزی پێشمەرگە و پرۆژەیەکی نیشتیمانی دەکاتەوە، ستایشی هەوڵ و خەمخۆری وڵاتانی هاوپەیمانانیش دەکات کە بەردەوام بۆ بابەتی ریفۆرم و یەکگرتنەوەی هێزی پێشمەرگە لەسەر هێڵ بوون.
هەردولا هاوڕابوون لەسەر ئەوەی کە پێویستە بەزوترین کات چاکسازی لەناو هێزی پێشمەرگەدا بکرێت پەرە بە ئینتیمای نیشتیمانی بدرێت، "هێزی پێشمەرگە وەک هەمیشە پارێزەری خاک و خەڵک و نیشتیمان بن".

ئەمڕۆ سێشەمە (٥/٩/٢٠٢٣)، مستەفا سەید قادر جێگری سەرۆکی هەرێمی کوردستان، پێشوازی لە تیم کەیڤ گیبس راوێژکاری تایبەتی سەربازی بەریتانیا کرد و لەدیدارێکدا گفتوگۆیان لەبارەى دۆخی سیاسی و سەربازی هەرێمی کوردستان کرد و پرۆسەی چاکسازی و یەکخستن و یەکگرتنەوەی هێزەکانی پێشمەرگە تاوتوێکرا.

جێگری سەرۆکی هەرێم جەختی لە هەوڵ و هەنگاوەکانی پرۆسەی یەکخستن و یەکگرتنەوە و چاکسازی لەناو هێزی پێشمەرگەدا کردەوە و بەبایەخەوە باسی لە گرنگی پرۆژەیەکی نیشتیمانی کرد، هاوکات ستایشی هەوڵ و خەمخۆری وڵاتانی هاوپەیمانانی کرد کە بەردەوام بۆ بابەتی ریفۆرم و یەکگرتنەوەی هێزی پێشمەرگە لەسەر هێڵ بوون.
هەردولا هاوڕابوون لەسەر ئەوەی کە پێویستە بەزوترین کات چاکسازی لەناو هێزی پێشمەرگەدا بکرێت پەرە بە ئینتیمای نیشتیمانی بدرێت، "هێزی پێشمەرگە وەک هەمیشە پارێزەری خاک و خەڵک و نیشتیمان بن".
هەروەک جەخت لە پێویستى فراوانکردن و بەردەوامیی پەیوەندییەکانی نێوان هەدولا کرایەوە لەپێناو سەرخستنی پرۆسەی چاکسازی و یەکگرتنەوەی هێزەکانی پێشمەرگە.