بریکارى وەزارەتى کارەبا: نرخى کارەباى سیتیەکان بۆ (100) دینار کەمکرایەوە
21/09/2023
بریکارى وەزارەتى کارەبا رایدەگەیەنێت؛ وەزارەتى کارەبا گۆڕانکارى لە
نرخى کارەباى سیتى و کارگەکان کردوە و نرخەکان
کەمکرانەوە.
کامیل قەزاز، بریکارى وەزارەتى کارەبا، لەبارەى گۆڕانکارى
نوێى نرخى کارەباوە بە سایتى (گۆڕان)ى راگەیاند: کارەبای سیتیەکان لە (١٥٦) دینارەوە کرا بە (١٠٠) دینار، کارگەی چیمەنتو و
ئاسن لە (١٢٠) دینارەوە کرا بە (٩٠) و باقی کارگەکان (١٠٠) دینارى بۆ دیارکراوە.
ئەوە لەکاتێکدایە پێشتر و لەکاتى
زیادکردنى نرخى کارەبادا بۆ (156) دینار، کامیل قەزاز بە سایتى گۆڕانى راگەیاند: من لەگەڵ زیادکردنى نرخى کارەبا نیم بۆ نرخى بازرگانى و لە کۆبونەوەى
وەزارەتیش ئاماژەم بەوە کردوە بەباشى دەزانين كه نرخى پێشنیازکراوە بۆ (100)
دینار کەم بکرێتەوە به مەرجێك بتوانرێت كارەباى (٢٤) كاتژمێرى دابينبكرێت و
هاوڵاتى يەك پارەى كاره بدات.
کەمکردنەوەى نرخى کارەبا دواى دەربڕینى ناڕەزایەتى دانیشتوانى سیتییە
هاى کۆستەکان و شارەزایان دێت کە پێیانوابو ئەو نرخە زۆرە بۆ شوێنى نیشتەجێبون.