ئاوات جەناب نورى: لەگەڵ وەزیرى دارایی عێراق و لیژنەى دارایی هاوڕا و هاوهەڵویست بوین لەسەر چارەسەرى یەکجارى کێشەى موچە

وەزیری دارایی و ئابورى حکومەتى هەرێم ڕایدەگەیەنێت، لە کۆبونەوە هاوبەشەکەى هەردو وەزارەتى دارایی هەرێم و حکومەتى ئیتیحادى لەگەڵ لیژنەى دارایی ئەنجومەنى نوێنەرانى عێراق باس لە چارەسەری بنەڕەتی موچەی موچەخۆرانی هەرێم کراوە و موچە دەخرێتە سەر دەرەوەی ئینفاقی فیعلی.

ئاوات جەناب نوری، وەزیری دارایی هەرێم دواى کۆتایی هاتنى کۆبونەوەکە لە کۆنگرەیەکی ڕۆژنامەوانیدا ڕایگەیاند: کەشێکی دۆستانە لەگەڵ لیژنەی دارایی و وەزیری دارایی عێراق زانیارییەکانمان پێشکەش کرد و باس لە جیاکردنەوەی موچەی موچەخۆران لە کێشە سیاسییەکان کرا، هاوکات هۆکاری دواخستنی موچەمان بە ڕاشکاوی خستەڕوو و ئەندامانی لیژنەی دارایی و تەیف سامی، وەزیری دارایی عێراق هاوڕا و هاوهەڵویست بوون لەسەر ئەوەی بابەتی موچە بەیەکجاری چارەسەر بکرێت.

وەزیری دارایی ئاماژە بەوەدەکات کۆبونەوەکە هەنگاوێکی گرنگ و ستراتیجی بووە لەنێوان هەرێم و بەغدا و هیچ دەشڵێت: تاڕادەیەکى زۆر ئەو داتایانەى پێشکەشمان کرد جێگەى قبوڵ بو هۆکارەکانى کیشەى موچەخۆرانى خۆمان پێشکەشکرد، ناڕەزایەتییەك لە وەزیری دارایی عێراقەوە تێبینی نەکرا لەسەر پێشنیارەکان.