ئەنجومەنی قەزای كەركوكی بزوتنەوەی گۆڕان کۆدەبێتەوە

ئەنجومەنى قەزاى کەرکوکى بزوتنەوەى گۆڕان کۆبونەوەى ئاسایی خۆى ئەنجامدا.

لە كۆبونەوەكەدا عەزیز حەمید زەنگەنە، باژێڕوانی كەركوكى بزوتنەوەى گۆڕان ئاماژەى بە دواین پیشهاتەکان و هەوڵەکانى خۆڕێکخستنەوە و هەڵبژاردنە ناوخۆییەکانى بزوتنەوەى گۆڕان و سەردان و بەسەركردنەوەكانی باژێڕوان و دەستەی بەڕێوەبەر بۆلای هەڵسوڕاوان گۆڕانخوازان  کرد و جەختى لە پێداگرى لە بەرنامەى سیاسى گۆڕان کردەوە.

لە کۆبونەوەکەدا بارودۆخى کەرکوک و پێشهاتەكانی پارێزگاکە و سنورەکە و گرفت و ئاستەنگەکان گفتوگۆیان لەبارەوە کرا و دوپاتکرایەوە کە بزوتنەوەى گۆڕان لە دیدێکى نیشتمانییەوە لە دۆخى کەرکوک و ناوچە کوردستانییە دابڕێنراوەکان دەڕوانێت و هەوڵەكانیشی بۆ چارەسەركردنی كێشەو گرفتەكان و هەماهەنگی و یەکڕیزى لایەنە سیاسییەکانە لە پرسە نەتەوەیی و نیشتمانییەکاندا بەتایبەت بۆ دۆخى کەرکوک و خەڵک و جوتیارانى سنورەکە.