ئەنجومەنی قەزای كەركوكی بزوتنەوەی گۆڕان: داواكارین كەركوكیەكان لە سەرژمێریدا كوردبوونی كەركوك و ناوچە دابڕێندراوەكان بسەلمێنین

ئەنجومەنی قەزای كەركوكی بزوتنەوەی گۆڕان رایدەگەیەنێت؛ پرۆسەی سەرژمێری گشتی گرنگ و چارەنوسسازە بۆ گەلەلەمان بەتایبەت بۆ كەركوك و ناوچە جێناكۆكەكان و داواكارین لەو رۆژەدا كەركوكیەكان كوردبوونی كەركوك و ناوچە دابڕێندراوەكان بسەلمێنین.

لەگەڵ نزیكبونەوەی وادەی سەرژمێری گشتی عێراق، ئەنجومەنی قەزای كەركوكی بزوتنەوەی گۆڕان راگەیەندراوێك بڵاودەكاتەوە و ئاماژە بەوە دەكات؛ پرۆسەكە هەنگاوێكە بۆ دیاریكردن و سەلماندنی كوردستانیبونی كەركوك و ناوچە دابڕێندراوەكان و لە سۆنگەی بەرپرسیارێتی نەتەوەیی و نیشتمانییەوە دەڵێت: ئەركە لەسەر هەموو خێزانێك و تاك بەتاكی كەركوكییەكان و خەڵكی ناوچە دابڕێندراوەكان كە ئاوارەی هەرشارێكن بگەڕێنەوە زێدی خۆیان، "داواكارین لە هەر كوردێك بەشداری ئەو پڕۆسەیە بكات چونكە ئەركێكی پیرۆزی نەتەوەی و نشتیمانییە و ئایندەی میللەتەكەمان دیاری دەكات".

دەقی راگەیەندراوەكە:
داواكارین لە رۆژی سەرژمێری گشتیدا كەركوكیەكان كوردبوونی كەركوك و ناوچە دابڕێندراوەكان بسەلمێنین.
پرۆسەی سەرژمێری گشتی لەعێراق پرۆسەیەكی گرنگ و چارەنوسسازە بۆ گەلەلەمان تایبەت بۆ كەركوك و ناوچە جێناكۆكەكان.
پرۆسەكە هەنگاوێكە بۆ دیاریكردن و سەلماندنی كوردستانیبونی كەركوك و ناوچە دابڕێندراوەكان
ئەركە لەسەر هەموو خێزانێك و تاك بەتاكی كەركوكییەكان و خەڵكی ناوچە دابڕێندراوەكان كە ئاوارەی هەرشارێكن بگەڕێنەوە زێدی خۆیان،
بۆیە داواكارین لە هەر كوردێك بەشداری ئەو پڕۆسەیە بكات چونكە كوردستانیبوونی كەركوك بەندە بە بەشداری و گەڕانەوەی تۆی كەركوكی و دانیشتوانی ناوچە دابڕێندراوەكانی تر، ئەمەش ئەركێكی پیرۆزی نەتەوەی و نشتیمانییە و ئایندەی میللەتەكەمان دیاری دەكات.
ئەنجومەنی قەزای كەركوكی بزوتنەوەی گۆڕان
٢٠٢٤/١١/١٨