د.دەرباز محەمەد: عەلاوی پێی وتین موچەی فەرمانبەرانی هەرێم نابڕدرێت

محەمەد تۆفیق عەلاوی، سەرۆک وەزیرانی راسپێردراوی عێراق بە شاندی کوردسانی راگەیاندوە، بە هیچ شێوەیەکی موچەی فەرمانبەرانی هەرێم نابڕدرێت.
د.دەرباز محەمەد ئەندامی خانەی راپەڕاندنی بزوتنەوەی گۆڕان و ئەندامی شاندی کوردستانی لە بەغدا راگەیاند؛ لە کۆبونەوەی شاندەکەیان لەگەڵ محەمەد تۆفیق عەلاوی سەرۆک وەزیرانی راسپێردراوی عێراق، عەلاوی رایگەیاندوە کە موچەی فەرمانبەرانی هەرێم پرسێکی ژیانیە و پەیوەندی بە ناکۆکی و پرسە سیاسیەکانەوە نییە.
د. دەرباز محەمەد وتیشی، عەلاوی پێی سەیر بوە کاتی خۆشی موچەی فەرمانبەرانی هەرێم بڕاوە و شاندی کوردستانی پشتڕاست کردوەتەوە کە کێشە لە موچەی فەرمانبەرانی هەرێم و بودجەی هەرێم دروست نابێت و هەمو شتێک وەک جاران بەردەوام دەبێت.
رۆژی سێشەممەی رابردو شاندی هەرێمی كوردستان بەمەبەستی گەیشتن بە رێككەوتن لەبارەی پشكی هەرێم لەو كابینە نوێیەی حكومەتی عیراقدا گەیشتە بەغدا.