وەزارەتی دارایی موڵکی ڕەهنی کۆمپانیا قەرزدارەکان دەفرۆشێت

پەرلەمانتارێکی بزوتنەوەی گۆڕان لە پەرلەمانی کوردستان ڕایگەیاند، وەزارەتی دارایی بڕیاریداوە موڵکە ڕەهنەکانی کۆمپانیا قەرزدارەکان بفرۆشێت.

جەلال محەمەد پەرلەمانتاری فراکسیۆنی گۆڕان ڕایگەیاند، وەزارەتی دارایی پاڵپشت بە هەردوو یاسایی ژمارەی 43 ی ساڵی 1971ی تۆماری خانوبەرە و یاسای ژمارە 56 ساڵی 1977 بڕیاریداوە سەرجەم موڵکە ڕەهنەکانی کۆمپانیا قەرزدارەکان بفرۆشێت.

ئاشکراشیکردوە هەروەها وەزارەتی دارایی دەست بەسەر ماڵی گواستراوە و نەگواستراوەی کۆمپانیا قەرزدارەکاندا دەگرێت تا ئەو کاتەی قەرزەکانیان دەگەڕێننەوە.

ئەوە لەکاتێکدایە بڕی 820 ملیار دیناری حکومەت لای هەندێک کۆمپانیا و سەرمایەدارە و تا ئێستا نەیانگەڕاندۆتەوە بۆیە بەپێی یاسای چاکسازی دەبێت لێیان وەربگرێتەوە ئەگەر نا دەست بەسەر موڵکە ڕەهنەکانیاندا دەگیرێت.