د بیر ئانینا سێ سالی یا دەربازبوون ب سەر وەغەرا ڕەوانشاد نەوشێروان مستەفایی دا

ئەڤڕۆ ١٩ ئایارا ٢٠٢٠ سێ سال ل سەر وەغەرا داویێ یا ھزرمەند، دیرۆکنڤیس، سیاسەتمەدار و دامەزرێنەرێ بزاڤا گۆڕان  ڕەوانشاد نەوشێروان مستەفای دەرباز دبن
ئەڤە د دەمەکێ دایە ھێش کۆمەلگەھێ کوردی د خەباتەکا بێ ڕاوەستیان دا یە ژ بۆ بدەستڤە ئینانا دادپەروەریا کۆمەلگەھی ، ئاڤاکرنا حکومرانیەکا باش و جڤاکەکێ خۆشگۆزەران بێ گومان

 دەما کو ئەم خەبات و ئارمانێن و نەوشێروان مستەفای د خوینین ئاشکرا دبیت کو ھەموو ژیانا خۆ یا سیاسی ژ بۆ ڤێ چەندێ تەرخانکریە و قوربانی ژ بۆ دایە
جودا ژ سالێن بۆری، ئەڤ سالە د رەوشەکا نە خاستی دا ڤێ بیرەوەریێ ل بیر دئینین و ساخ دکەینەڤە، ژبەر بەلاڤبوونا ڤایرۆسێ کرۆنایێ چەندین ئالانگاری و تەحدایێن مەزن ئێخستینە ژیانێ و جیھانێ و دەستکاری د شێوازێ ژیانا ئاسایی دا ھاتیە کرن و کوردستان ژی بێ بەش نەبوویە ژ ڤان ئالنگاریێن سیاسی و ئابوری و دارایی
و چەندین کاریگەریێن نەرێنی ب دیڤ خودا ئانینە
لەوما د نھادا و ژ ھەر دەمەکێ زێدەتر فکرا سیاسی و دیدگایێن ڕەوانشاد نەوشێروان مستەفای بۆ دەربازبوون ژ ڤێ رەوشا دژوار و ئیدارەدانا قەیرانێن ھەی ب پێتڤیەکا نھا دزانین.

دڤێ بیرەوەریێ دا ئەم وەک ئەندام و ھەڵوسراوێن بزاڤا گۆڕان ل بەھدینان سوزێ ددەین  کو درێژەپێدەرێن خەبات و فکرێن
ڕەوانشاد نەوشێروان مستەفا ی بین

ئەم وەک بزاڤا گۆڕان زێدەباری تەکەزکرنا مە ل سەر پێگیر بوون ب ھەموو پرەنسیپ و بزاڤ و پلانێن ڕەوانشاد نەوشێروان مستەفای خەبات ژ بۆ کری
مە دڤێت د ھەمان دەم دا پەیامەکێ ب ڕۆحەکا پڕ خەمخوری دلسۆزیا نەوشێروان مستەفای ئاراستەی ھەموو ئالی و ھێزێن خوەدی دەسھەلات بکەین تا کو ئارامی و ئاسایش و پێکڤەژیان و ھەڤچارەنوسی بەرقەرار بیت دڤێت مە ھێز و ئیرادەکا ڕاستەقینە ھەبیت ژ بۆ روی ب روی بوونا گەندەلیێ و بھێزکرنا دامەزراوەیێن حکومی و ڕێزگرتن ل دادگەھێ
دیسا د خەما ژین و ژیارا خەلکی دابین و ڤێ ڕەوشا دژوار بکەینە دەرفەت بۆ پێنگاڤ ھاڤێتن ب ئاراستەیێ چاکسازیێ و عەدالەتێ و سەروەریا یاسایێ بوێ چەندێ ژی دڤێت ب ڕاستگۆیانە و پێکڤە دوور ژ کەرب و کینێ و بەرژەوەندیێن بەرتەنگێن حزبایەتیێ کاربکەین
بێ گومان ب ڤان پێنگاڤا دێ خزمەتەکا زێدەتر و ژیانەکا باشتر پێشکێشی ھاوڵاتیێن خۆ کەین


دیسان تەکەز ل سەر وێ چەندێ دکەین کا چاوا نەوشێروان مستەفای ھەموو ژیانا خۆ ژ بۆ بدەستڤەئینانا مافێن گەلێ خۆ تەرخانکریە
 ل بەر ھەمان ڕۆشنایی ئەم وەک بزاڤا گۆڕان و ھێزەکا مەدەنی بێ چەک و چەکدار ب ئاشکرایی و شانازیڤە پشتگیریا خۆ ژ بۆ ھەر خۆ پێشاندانەکا مەدەنی دویر ژ توند و تیژیێ دەردبرین.



بزاڤا گۆڕان
مەکۆیێ بەھدینان
١٩/٥/٢٠٢٠