دەستەى بازنە و بەڕێوەبەرى ئەنجومەنى قەزاى هەولێرى بزوتنەوەى گۆڕان هەڵبژێردران

ئەمڕۆ شەممە (٢٩ى٦ى٢٠٢٤)، لە ژێر بڕیار و راسپاردەکانى دوهەمین کۆنفرانسى نیشتمانى بزوتنەوەى گۆڕان و بڕیارى جڤاتى نیشتمانى، هەڵبژاردنى ناوخۆیی بۆ دەستەى بازنە و بەڕێوەبەرى ئەنجومەنى قەزاى هەولێر بەڕێوەچو.

هەڵبژاردنەکە لە چوارچێوە پرۆسەى هەڵبژاردنە ناوخۆییەکان و هەنگاوەکانى رێکخستنەوە و نوێکردنەوەى ئۆرگانەکانى بزوتنەوەى گۆڕاندایە لە ئەنجومەنى قەزاکانەوە بۆ جڤاتى نیشتمانى و خانەى راپەڕاندن و پێشتریش دەستەى بەڕێوەبەرى نوێى هەریەکە لە ئەنجومەنى قەزاکانى (سلێمانى، رواندوز، دوکان ، شارەزور، شارباژێر، ماوەت، چۆمان، پێنجوێن، سەیدسادق، هەڵەبجە، شەقڵاوە و سۆران، کەلار، کفرى، کۆیە و دەشتى هەولێر، کەرکوک، دەربەندیخان، چەمچەماڵ، مەخمور و دوزخورماتو، زاخۆ و رەوەندى کوردى) هەڵبژێردراون.

بڕیاریشە هەڵبژاردنى ناوخۆیی لە تەواوى ئۆرگانەکانى بزوتنەوەى گۆڕان بەڕێوەبچن بە ئامانجى نوێبونەوە و ئامادەکارى بۆ قۆناغى نوێ و روبەڕوبونەوەى ئاڵنگارییەکان.