دەقی راگەیەندراوى کۆبونەوەى هاوبەشى گۆڕان و پارتى
16/02/2019
ڕاگەیەندراوی فەرمی
بزوتنەوەی گۆڕان و پارتی دیموکراتی کوردستان گەیشتنە قۆناغی کۆتایی بەرەو رێککەوتنی
سیاسیی و پڕۆژەی رێککەوتنەکەش دەبرێتەوە بۆ سەرکردایەتی هەردولا بە مەبەستی
پەسەندکردنی.
ئەمڕۆ شەممە کۆبونەوەی وەفدی دانوستانکاری گۆڕان و
پارتی لە مەکۆی سەرەکی بزوتنەوەی گۆڕان لە سلێمانی بەڕێوەچو، بەپێی راگەیەندراوی کۆبونەوەکە؛ رێککەوتنى سیاسی
نێوان پارتى و بزوتنەوەى گۆڕان پەسەندکرا
و لەکۆبونەوەکەى (18/ 2)ى پەرلەمانى کوردستاندا فراکسیۆنى پارتى و فراکسیۆنى گۆڕان
بەشداردەبن.
لە بەشێکی دیکەی راگەیەندراوەکە ئاماژە بەوەکراوە،
هەردولا لەسەر شێوازى پێکهێنانى حکومەت گەیشتونەتە قۆناغى کۆتایى و بەرەوپێشچونى
بەخۆیەوە بینیوە، جگە لەوەش پڕۆژەى رێککەوتنەکە دەبرێتەوە بۆ سەرکردایەتى هەردولا
بۆ پەسەندکردنى.
دەقی راگەیەنراوى کۆبونەوەى هاوبەشى بزوتنەوەى گۆڕان و پارتى
دیموکراتى کوردستان
رۆژى 16 /2 /2019 شاندى باڵاى پارتى دیموکراتى کوردستان
و بزوتنەوەى گۆڕان لەشارى سلێمانى کۆبونەوە
لەکەشوهەوایەکى دۆستانەدا گفتوگۆیەکى راشکاوانەى بەرپرسیارانەکرا،
پەیوەندى هەردولا و گفتوگۆى پێکهێنانى کابینەى نۆیەمى حکومەتى هەرێم و رێککەوتنى سیاسی
نێوان هەردولا خرایەرو
لە کۆبونەوەکەدا هەردو شاند رێککەوتن لەسەر ئەم خاڵانە:
1 - رێککەوتنى سیاسی نێوان پارتى و بزوتنەوەى گۆڕان پەسەندکرا
2- لەکۆبونەوەکەى 18 ى 2 ى پەرلەمانى
کوردستاندا فراکسیۆنى پارتى و فراکسیۆنى گۆڕان بەشداردەبن
3- لەسەر شێوازى پێکهێنانى حکومەت گەیشتونەتە
قۆناغى کۆتایى و بەرەوپێشچونى بەخۆیەوە بینیوە
4- پڕۆژەى رێککەوتن دەبرێتەوە بۆ سەرکردایەتی
هەردولا بۆ پەسەندکردنى