پەیامى بزوتنەوەی گۆڕان بۆ جەژنى رەمەزان

ڕاگەیەندراوی فەرمی

بزوتنەوەی گۆڕان پەیامى پیرۆزبایی جەژنى رەمەزان ئاڕاستەی جیهانی ئیسلامی و مسوڵمانی کوردستان و کوردانی پارچەکانی دیکەی کوردستان و ڕەوەندی کوردی دەکات و رایدەگەیەنێت؛ جەژن بۆنەی خۆشی دەربڕین و وێستگەی بەهێزکردنەوەی گیانی لێبوردەیی و چاکە و چاکەخوازییە، لەو سۆنگەیەوە هیواخوازین دەرفەتێکیش بێت بۆ کاری پێکەوەیی بە ئاڕاستەی کردنەوەی گرێکوێرەی کێشەکان و کاراکردنەوەی دامەزراوە شەرعیەکان لە هەرێمی کوردستاندا.



جەژنتان پیرۆزبێت ..

بەبۆنەی هاتنەوەی جەژنی پیرۆزی رەمەزان، پیرۆزباییەکی گەرم ئاڕاستەی جیهانی ئیسلامی و مسوڵمانی کوردستان و کوردانی پارچەکانی دیکەی کوردستان و ڕەوەندی کوردی دەکەین.

تکاکارین خوای گەورە رۆژوو و نوێژ و خواپەرستی هەمو لایەکی قبوڵ کردبێت و هەرێمی کوردستان و خەڵکەکەی لە ئاشتی و ئارامی و خۆشگوزەرانیدا بهێڵێتەوە.

جەژن بۆنەی خۆشی دەربڕین و وێستگەی بەهێزکردنەوەی گیانی لێبوردەیی و چاکە و چاکەخوازییە، لەو سۆنگەیەوە هیواخوازین دەرفەتێکیش بێت بۆ کاری پێکەوەیی بە ئاڕاستەی کردنەوەی گرێکوێرەی کێشەکان و کاراکردنەوەی دامەزراوە شەرعیەکان لە هەرێمی کوردستاندا.

بزوتنەوەی گۆڕان
٩ی ٤ی ٢٠٢٤