بزوتنەوەی گۆڕان: پێشوازی لە پەیامی ئاشتی عەبدوڵا ئۆجەلان دەکەین

ڕاگەیەندراوی فەرمی

بزوتنەوەی گۆڕان پێشوازی لە پەیامی ئاشتی عەبدوڵا ئۆجەلان دەکات و رایدەگەیەنێت؛ پەیامەكە زەمینەسازی دەکات بۆ دایەلۆگی سیاسیی و چارەسەرکردنی کێشەکان دوو لە شەڕ و بەکارهێنانی چەک و خوێنڕشتنی زیاتر، هیوادارین هەمو لایەک بە گیانی بەرپرسیارێتیەوە مامەڵە لەگەڵ پەیامەكە بکەن و ئەم هەنگاوەش ببێتە سەرەتای چارەسەرکردنی کێشەکان بە ڕێگەی سیاسیی و بەدەستهێنانی مافە نەتەوەییەکانی کورد لە تورکیا.

دەقی راگەیەندراوی پێشوازییەكەی بزوتنەوەی گۆڕان
‎بە خۆشحاڵیەوە، پێشوازی لە دوایین پەیامی بەڕێز عەبدوڵا ئۆجەلان بۆ سەرپێخستنی پرۆسەی ئاشتی لە تورکیا دەکەین.

‎ئەم پەیامە، هاوکاتی پەرەسەندنە سیاسیەکانی ناوچەکە و رۆژهەڵاتی ناوەڕاست؛ زەمینەسازی دەکات بۆ دایەلۆگی سیاسیی و چارەسەرکردنی کێشەکان دوو لە شەڕ و بەکارهێنانی چەک و خوێنڕشتنی زیاتر، کە ئەزمونی چل ساڵی پێشو دەریخست جەنگ و ئۆپەراسیۆنە سەربازییەکان لە قازانجی هیچ لایەک نیە.

هیوادارین هەمو لایەک بە گیانی بەرپرسیارێتیەوە مامەڵە لەگەڵ پەیامی ئاشتی بەڕێز عەبدوڵا ئۆجەلان بکەن، ئەم هەنگاوەش ببێتە سەرەتای چارەسەرکردنی کێشەکان بە ڕێگەی سیاسیی و بەدەستهێنانی مافە نەتەوەییەکانی کورد لە تورکیا و بەشدایکردن لە پرۆسەی سیاسیی بە ڕێگەی دیموکراتی و شارستانی.

بزوتنەوەی گۆڕان
٢٨ی شوباتی ٢٠٢٥