بزوتنەوەی گۆڕان پیرۆزبایی هاتنەوەی مانگی رەمەزانی پیرۆز دەكات

ڕاگەیەندراوی فەرمی

بەبۆنەی هاتنەوەی مانگی پیرۆزی ڕەمەزانه‌وه‌، پیرۆزبایی گەرم ئاڕاستەی مسوڵمانان لە کوردستان و عێراق و تەواوی جیهان دەکەین.

مانگی ڕەمەزان مانگی لێبوردەیی و لێخۆشبوون و چاکه‌ و برایەتی و خێر و خۆشیە، هیوادارین ئەم مانگە هەوێنی گیانی برایەتی و پێکەوەژیان و ئاشتەوایی بەهێزبكات و یەکڕیزی و تەبایی لەنێو میللەتەكەمان و لایەنە سیاسییەكان پتەوتربێت بە ئاڕاستەی یەكدەنگی و روبەڕوبونەوەی ئاڵنگارییەکان و دابینكردنی خۆشگوزەرانی موچەخۆران و هاووڵاتیان و سەقامیگری ناوچەكە و بەدیهاتنی خواستی میللەتەكەمان.

داواكارین خوای گەورە لەم مانگە پیرۆزەدا دەرگای خێر و خۆشی بە ڕووی هەموواندا بکاتەوە و ڕۆژو پەرستشی هەمووان قبووڵ بکات.


بزوتنەوەی گۆڕان
٢٨ی٢ی٢٠٢٥