پەیامی پیرۆزبایی جەژن لە بزوتنەوەی گۆڕانەوە

ڕاگەیەندراوی فەرمی

بزوتنەوەی گۆڕان پەیامی پیرۆزبایی جەژنی رەمەزان ئاڕاستەی مسوڵمانانی کورد و جیهان دەكاتو رایدەگەیەنێت؛ ‎ڕۆژو و نزا و پەرستشی هەموان قبوڵ بێت میللەتەكەمان بەخۆشی و شادییەوە جەژن بکەن،‎ جەژن دەرفەتێکە بۆ دیدەنی و کاری پێکەوەیی و کۆبونەوە لە دەوری یەکتر و هیوادارین ‎جەژن هەلێک بێت بۆ کاراکردنی پەرلەمان و پێکهێنانی حکومەتێک، کە وەڵامگۆی داخوازییەكانی خەڵک بێت.

دەقی پەیامەكەی بزوتنەوەی گۆڕانە:
جەژنی رەمەزانتان پیرۆزبێت
‎بەبۆنەی هاتنەوەی جەژنی ڕەمەزانی پیرۆز، پیرۆزباییەکی گەرم لە مسوڵمانانی کورد بەتایبەتی و مسوڵمانانی جیهان بەگشتی دەکەین.
‎داواکارین خودای گەورە و میهرەبان ڕۆژو و نزا و پەرستشی هەموان قبوڵ بکات و بە خۆشی و شادییەوە میللەتەکەمان لە هەرێمی کوردستان و پارچەکانی دیکەی نیشتمان و ڕەوەندی کوردی جەژن بکەن.
‎جەژن، کە لەبنەڕەتدا دەرفەتێکە بۆ دیدەنی و کاری پێکەوەیی و کۆبونەوە لە دەوری یەکتر؛ بۆ لایەنە سیاسیەکانیش، هەلێکە بۆ کاراکردنی پەرلەمان و پێکهێنانی حکومەتێک، کە وەڵامگۆی داخوازییە ڕەواکانی خەڵکە خۆشەویستەکەمان بێت.
‎لە کۆتایدا، هیواخوازین ئەم جەژن و بۆنە ئاینییە، ببێتە مایەی هێنانەدی ئاشتی کۆمەڵایەتی و خۆشگوزەرانی بۆ هاونیشتمانیان و گەڕانەوە بۆ خواست و ویستی گشتی.
بزوتنەوەی گۆڕان
٢٩ی ئازاری ٢٠٢٥