رێكخەری گشتی بزوتنەوەی گۆڕان لەگەڵ رایەڵەی پێشمەرگە دێرینەكانی سلێمانی كۆدەبێتەوە
30/08/2025
D هەواڵ و چالاکی
ئەمڕۆ شەممە (٣٠ی٨ی٢٠٢٥) دانا ئەحمەد مەجید،
رێكخەری گشتی بزوتنەوەی گۆڕان لە مەكۆی سەرەكی لە گەڕەكی كوردسات، لەگەڵ رایەڵەی پێشمەرگە
دێرینەكانی سلێمانی كۆبوەوە.
لە كۆبونەوەكەدا خراپی گوزارەنی موچەخۆران و هاوڵاتیان و
كێشە سیاسی و داراییەكانی نێوان هەولێر و بەغدا، دۆخی هەرێمی كوردستان و عێراق و
ناوچەكە و دواین پێشهات و ئاڵنگارییەكان گفتوگۆی لەبارەوەكرا، هاوكات دۆخی ناوخۆیی
بزوتنەوەی گۆڕان و هەنگاوەكانی خۆڕیكخستنەوە و بەهێزكردنەوەی بزوتنەوەی گۆڕان وەك
پێویستیەكی قۆناغەكە تاوتوێكرا.
لای خۆیەوە رێكخەری گشتی بەبایەخەوە جەختی لە رۆڵ و قوربانیدانی
پێشمەرگە دێرینەكان كردەوە و بەپێویستی زانی وەك پایەیەكی گرنگی بزوتنەوەی گۆڕان
لە سایەی چەترێكدا كۆببنەوە و رۆڵی كاریگەر بگێڕن بۆ ئامانجەكانی بزوتنەوەكە و
سەرخستنی بەرنامەی بزوتنەوەی گۆڕان.
هاوكات بەشدارانی كۆبونەوەكە سەرنج و پیشنیاز و
بۆچوونەكانیان خستەڕو، بەگەڕخستنی تەواوی هەوڵەكانیان بۆ پشتگیری بزوتنەوەی گۆڕان
دوپات كردەوە.